NOU MINISTER EK LAVI KRETYEN–KAYE RENYON Out 2018

Legzanp en prezantasyon

Legzanp bann prezantasyon konsernan si Labib i ankor kapab ed nou ozordi.

6-12 Out

BANN TREZOR DAN PAROL BONDYE

Remersye lezot

Bann dimoun ki anvi fer plezir Kris i bezwen demontre lanmour ek lapresyasyon anver tou dimoun, san pran kont zot nasyonalite, ras oubyen larelizyon.

VIV KONMAN EN KRETYEN

Rapel sa ki ti arive avek madanm Lot

Ki nou bezwen fer pour pa perdi laprouvasyon Bondye parey madanm Lot? Ki nou kapab fer si nou remarke ki bann keksoz materyel pe konmans pran plas bann keksoz spirityel?

13-19 Out

BANN TREZOR DAN PAROL BONDYE

Aprann avek legzanp sa dis min

Dan legzanp Zezi lo sa dis min, lekel oubyen kwa ki ganny reprezante par sa met, bann lesklav ek larzan?

VIV KONMAN EN KRETYEN

Amelyor nou abilite pour prese—Servi JW.ORG

Sak piblikasyon ki form parti bann zouti ki ed nou ansenny laverite i refer avek jw.org. Si nou servi nou sit Enternet, nou kapab vin pli efikas dan predikasyon.

20-26 Out

BANN TREZOR DAN PAROL BONDYE

“Zot delivrans pe aprose”

Byento, Zezi pou vini konman sa Enn ki egzekit zizman e konman sa Enn ki pou sov limanite. Nou bezwen prepar nou spirityelman, koumsa nou pou asire ki nou pou ganny sove.