Eski lir verse Labib ek komanter dan Egzamin Labib sak zour i parmi bann keksoz ki ou fer tou le zour pour vin pros avek Zeova? Si non, eski ou kapab met li dan ou progranm? Bokou i egzamin teks pour lazournen bomaten, koumsa zot reflesir lo la anmezir zot fer zot bann aktivite lazournen. (Zoz 1:8; Ps 119:97) Ki mannyer ou kapab pli byen benefisye avek sa verse Labib? Lir konteks sa verse Labib pour konpran lezot keksoz ki enplike. Esey mazin en resi Labib ki met lanfaz lo sa prensip ki dan teks. Apre, aplik sa prensip dan ou lavi. Ler Parol Bondye i annan en lefe lo ou desizyon, i pou gid e vreman benefisye ou.​—Ps 119:105.

Lafanmir Betel partou dan lemonn i fer Egzamin Labib sak zour bomaten pandan ler brekfas. Tou dernyenman, bokou sa bann diskisyon i ganny poste lo Televizyon JW dan bann video PROGRAMS AND EVENTS. Ki dernyen fwa ou ti get enn sa bann video? Petet sa ki pe ganny diskite dan enn sa bann video i egzakteman sa ki ou bezwen. Par egzanp, ki mannyer sa resi lo Lot i kapab annan en lefe lo ou desizyon?

GET SA VIDEO DO NOT LOVE THE WORLD (1ZAN 2:15), E APRE REPONN SA BANN KESTYON SWIVAN:

• Ki prensip Labib ki ti pe ganny diskite dan sa teks pour lazournen?

• Ki mannyer sa resi konsernan Lot i montre danze pour kontan lemonn oubyen bann keksoz dan lemonn?​—Ze 13:12; 14:12; 19:3, 12, 13, 24-26

• Ki mannyer nou montre ki nou kontan Zeova me pa sa lemonn oubyen bann keksoz dan lemonn?