Ler Zezi ti lo later, i ti met lanfaz lo sa komannman: “Onor ou papa ek ou manman.” (Mt 15:4; Eg 20:12) Zezi ti kapab dir sa parol akoz ler i ti ankor zenn i ti “obeir” son paran. (Li 2:51, not) Ler i ti en adilt, i ti fer sir ki apre son lanmor i ti pou annan en dimoun ki ti pou pran swen avek son manman.​—Zan 19:26, 27.

Ozordi osi, bann zenn Kretyen ki obeir zot paran e ki koz ek zot avek respe i onor zot paran. Annefe, en zanfan i devret touzour onor son paran. Ler nou ekout konsey saz nou paran aze, nou pe kontinyen onor. (Pr 23:22) Nou osi onor nou paran aze ler nou pran swen avek zot emosyonnelman e finansyerman si zot bezwen. (1Ti 5:8) Menm si nou zenn oubyen aze, i enportan pour annan en bon kominikasyon avek nou paran akoz sa i onor zot.

GET SA KARTOON POUR BANN ZENN KI MANNYER MON KAPAB KOZ AVEK MON PARAN? E APRE REPONN SA BANN KESTYON SWIVAN:

• Akoz ou kapab vwar li difisil pour koz avek ou paran?

• Ki mannyer ou kapab montre ki ou onor ou paran ler ou koz avek zot?

• Akoz i vo lapenn fer zefor pour koz avek ou paran? (Pr 15:22)