Yilweza ya mu Mbimbiliya yize muyihasa kutukwasa:

• 2Sg 26:3-5, 16-21—Mwanangana Uzia kehukile Shimbi ja Zambi mumu lia kulizata, chikwo nawa, yalivutula mumu lia kumwaha chiyulo kuli asasendote. Ha mukunda wa chino Zambi yamwasa musongo wa mbumba

• Lu 18:9-14—Yesu kahanyine chilweza chimwe hanga asolole chize Yehova akwivwa muze akupanjika kulemba cha akwa-kulizata ni kulemba cha akwa-kulikehesa

Yilweza ya mu Mbimbiliya yize muyihasa kutukwasa:

• 2Sg 12:5-7—Mwanangana Rehoboame hamwe ni yilolo a mu Yunda, kalikehesele kumeso ja Yehova, kashika kakaanongesene

• 2Sg 32:24-26—Hezekia Mwanangana mupema ha shimbu limwe kalizachile, alioze muze alikehesele Yehova yamukonekena

Yilweza ya mu Mbimbiliya yize muyihasa kutukwasa:

• Upu 33:3, 4—Muze Yakomba anyongene ngwenyi yayo Esau te machimuvwila uli, yalikehesa kumeso jenyi. Chino chaakwashile kulivwashana

• Kuy 8:1-3—Ngideone kalikehesele kuli malunga a ku Eframe ha kwalweza ngwenyi o te kamuhiana, ha chino malunga jacho yalihumikiza

Yilweza ya mu Mbimbiliya yize muyihasa kutukwasa:

• Iza 53:7; Fwp 2:7, 8—Ngwe chize uprofeto wambile, Yesu kalikehesele ni kutayiza kwiza hano hashi hanga amumwese lamba linji ni kufwa cha sonyi

• Lu 14:7-11—Yesu katele chimwe chishima hakutwala ku kusakula yihela yilemu ha yiwanyino, hanga asolole ulemu wa kulikehesa

• Yo 13:3-17—Yesu kasolwele chilweza cha kulikehesa kuli tumbaji twenyi ha kukosa molo jo, mulimo uze apwile ni kulinga kuli tupinji