Mbimbiliya yili ni sango hanji maliji ja Zambi waze twatamba kunyingika kanawa musono. Yakutulongesa chize mutuhasa kuwahilila ku mwono wetu ni chize mutuhasa kupwa masepa ja Zambi. Yakukumbulula nawa yihula ayi:

Mu Mbimbiliya muli mikanda yikehe-yikehe 66. Yili yakuhandununa mu yihanda yaali: Yisoneko ya Hepreu-Arame (“Usendo Ukulu”) ni Yisoneko ya Ngregu (“Usendo Waha”). Mu Yisoneko ya Ngregu muli mikanda 27, yinaputuka ni sango ja Yesu Kristu. Mikanda yeswe yili mu Mbimbiliya kanayiteta mu tupitulu ni versu. Muze akutongola chisoneko, chitangu kakuvuluka jina lia mukanda ni kapitulu, mba matongola versu yize matanga. Chakutalilaho, Mateu 1:​1, kanalumbunuka Mateu kapitulu 1, versu 1.