Usun óm kúna álilliséchún ekkeei lesenin káé seni Paipel
Akkomw, álleani ekkeei minen álillis, mwirin fichi ei VIDEO.
ÁEÚIN KINIKIN
Ren óm kopwe ammólnatá fán iten eú me eú lesen, álleani akkomw ewe áeúin kinikin. Ekkewe kapas eis mi makkechól (A) me ekkewe wokisin (B) ra menlapei ekkewe pwóróus mi lamot. Chemeni pwe ekkóch ekkeei wokisin ra mak “álleani.”
ORUUEN KINIKIN
Ewe kapasen lepoputáán (C) fán ei kinikin Kúttafichi epwe áweweei ewe lesen. Ekkewe itelap kisikis (D) ra menlapei ewe lesen. Álleani ekkewe wokisin, pélúweni ekkewe kapas eis, me katol ekkewe video fengen me ewe mi wisen káé ngonuk.
Ekkewe VIDEO me METTOCH MI RECORD SIPWE AÚSELING lón eú lesen, repwe álisikich le weweéchúti minne sipwe káé. Ekkóch iir videon pwóróusen manawen aramas. Nge ekkóch ekkena video ra chék pwomweni minne a tongeni fis lón manawen aramas.
Nengenifichi ekkewe sasing me álleani áweween ekkena sasing (E), me ekieki ifa usun kopwe pélúweni ewe kapas eis lón ewe kinikin, Ekkóch Ra Erá (F).
AÚLÚNGÁTIN KINIKIN
A wes ewe lesen ren ekkewe kinikin, Menlapan me Enniwili. (G) Makkeetiw ránin óm ka áwesi ewe lesen. Ewe kinikin, Achocho Ngeni (H) epwe álisuk le apwénúetá met ka káé. Ewe kinikin, Pwal Ekkóch Pwóróus (I) a masou ren pwal ekkóch mettóch ka tongeni állea are katol.
Usun kútten ekkewe wokisin
A masou ewe Paipel ren 66 kúkkún puk. A wor ruu kinikinin, Tesin Ipru me Aramaik (“Tesin Lóóm”), me ewe Tesin Krik (“Testament mi Fé”).
Atun a makketiw eú wokisin, a pwá iten ewe puk lón Paipel (A), sópwun (B), me ekkewe wokisin (C).
Áwewe chék, Johannes 17:3 a wewe ngeni ewe puken Johannes, sópwun 17, wokisin 3.
