Ekkewe Chón Kraist lóóm ra afalafalafeili kapas allimen ewe Mwúún Kot tori lesopwuchikin fénúfan. Jises a emmweniir ngeni ia repwe afalafal ie. Me ren an manaman, a atufichiir ar repwe asukula aramas lón pwisin fósun fénúer. Jiowa a fang ngeniir pwora me péchékkúl pwe repwe tongeni likiitú fán watteen riáfféúmwáál.

Jises a ékúna ngeni ewe aposel Jon eú lángipwi ussun lingen Jiowa. Lón pwal eú lángipwi, Jon a kúna ewe Mwú lón láng a okkufu Setan me unusen amóeló an nemenem. Jon a kúna án Jises nemenem ussun emén King me chienan kewe 144,000 mi fiti le nemenem. Jon a pwal kúna pwe unusen fénúfan a wiliiti eú paratis ikewe meinisin ra tongeni fel ngeni Jiowa fán kinamwe me tipeeú.