Ina epwe lón ewe maramen April, lón ewe ier 30, Jises a feiló Jerusalem. Chómmóng aramas ra feiló Jerusalem fán iten ewe Pasofer. Atun ra féri apwapwaan ena rán, ra eáni asor man lón ewe imwenfel. Ekkóch ra pwisin uwou man, nge ekkóch ra kamé me lón Jerusalem.

Atun Jises a tolong lón ewe imwenfel, a kúna pwe ekkewe aramas ra amémé man. Ra ffér ar angangen moni lón án Jiowa we imwenfel! Met Jises a féri? A piti efóch sáál me a áchcheewu ekkewe siip me kou  seni ewe imwenfel. A nupeni án ekkewe chón ekkesiwil moni cheepel me ninatiw néúr kewe féún senis. Jises a ereni ekkewe chón amémé lisom: ‘Oupwe uwealó ekkeei mettóch seni ikeei! Ousap eáni eú imwen amémé lón imwen Semei!’

Ekkewe aramas lón ewe imwenfel ra mwaar ren met Jises a féri. Néún Jises kewe chón káé ra chemeni ewe oesini ussun ewe Messaia: ‘Ái tongei imwom epwe ussun eú ekkei mi ngetenget me lón letipei.’

Mwirin, lón ewe ier 33, Jises a limetisefál ewe imwenfel. Ese fókkun mutatá án aramas repwe ésúfélúngawa imwen Seman we.