Ei kinikin a poputá le apwóróusa masouen néún Chón Kraist we Tesin Krik. Jises a uputiw lón eú famili mi tekisosson mi nónnóm lón eú kúkkún sóópw. A álisi seman we, chón táikú. Jises, i ewe epwe seláni aramas. Jiowa a filaatá an epwe King lón an we Mwú lón láng. Iká en emén sam are in, álisi noum we an epwe aúcheani úkúúkún án Jiowa fókkun túmúnúéchú Jises an epwe mááritá lón eú famili mi tongei Kot me múrinné. Ppii ifa ussun Jiowa a túmúnú Jises seni án Erot mochen nieló me ifa ussun an ese wor och mettóch a tongeni eppeti minne Jiowa a tipeni. Ppii ifa ussun Jiowa a ewisa ngeni Jon an epwe ammólnatá ewe al fán iten Jises. Menlapei ifa ussun Jises a pwáári pwe a aúcheani án Jiowa tipáchem pwal mwo nge seni lekúkkúnún.