KÉL 92
Eú Leeni mi Elinga Itom
(1 Kronika 29:16)
-
1. Jiowa a mmen lap feiéchúm,
Le aú ei leeni fán itom!
Aua angang fán watte pwapwaam
Le alapaaló itéchum.
Meinisin met aua fang ngonuk,
Ra fen pwisin feito sonuk.
Ám angang, tufichim, pisekim,
Aua fang ngonuk fán pwapwa.
(CHORUS)
Aua fang ei leeni ngonuk,
Itom epwe pwá me ie.
Ei leeni ám asor ngonuk,
Kese mochen etiwa.
-
2. Aua mochen mwareituk Semem,
Ren ám mwareituk me ikeei.
Chókkewe mi káé allúkum
Repwe elingaaló itom.
Aupwe fel ngonuk lón ei leeni,
Aupwe fókkun túmúnéchú.
Epwe eú minen pwáraatá,
O peni ám afalafal.
(CHORUS)
Aua fang ei leeni ngonuk,
Itom epwe pwá me ie.
Ei leeni ám asor ngonuk,
Kese mochen etiwa.
(Pwal ppii 1 King 8:18, 27; 1 Kron. 29:11-14; Föf. 20:24.)
