Ka Tongeni Filatá Manawom lón Fansoun Mwach
Ina epwe 3,500 ier a ló, Jiowa Kot a ereni ekkewe chón fel ngeni met a lamot ar repwe féri pwe repwe eáni eú manaw mi núkúnúkéch lón fansoun mwer. A erá: “Üa anomu mwemi manau me mäla, feiöch me anümamau. Iei mine oupwe filätä manau, pwe ämi me mwirimwirimi kana oupwe manau.”—Tuteronomi 30:19.
Ren án chókkana repwe eáni eú manaw mi múrinné lón fansoun mwer, a lamot ar repwe kefiléch. Sia pwal eáni ena esin kefil lón ei fansoun. Ewe Paipel a áwewe ngenikich met sipwe féri pwe sipwe eáni eú manaw mi núkúnúkéch lón fansoun mwach. A erá: “Oupwe echeni ewe Samol mi Lapalap ämi we Kot, oupwe aleasochisi alon.”—Tuteronomi 30:20.
IFA USUN SIPWE TONGENI TONGEI JIOWA ME ÁLLEASOCHISI ALON?
KÁÉ SENI EWE PAIPEL: Ren óm kopwe tongei Jiowa, a lamot óm kopwe akkomw káé usun i seni ewe Paipel. Atun ka féri ena, kopwe kúna pwe i emén Kot mi tong, ewe mi mochen minne mi fókkun múrinné fán itom. A etiwok óm kopwe iótek ngeni ‘pun i a ekieki met kopwe feiöch ren.’ (1 Petrus 5:7) Ewe Paipel a pwonei pwe ika ka achocho le arap ngeni, iwe ‘epwe arap ngonuk.’—James 4:8.
APWÉNÚETÁ MINNE KA KÁÉ: Óm álleasochis ngeni Kot, a wewe ngeni óm apwénúetá an kapasen emmwen mi múrinné lón ewe Paipel. Ika ka féri ena, iwe “kopwe feiöch o fefeitä lon meinisin mine kopwe föri.”—Josua 1:8.
^ par. 7 Ren mwo iei, a chék kawor lón fisu sókkun fós, kapachelong Mandarin me Cantonese Chinese.
Neman Kopwe Pwal Sani
EWE LEENIEN MAS
Pwisin Filiom, Manawom lón Mwach!
Ekkóch ra meefi pwe manawer a fen kkótóló seni me lóóm, me ena mettóch a nemeni manawer. Nge mei pwúng ena?
