A wor eú atun a weires ngonuk óm kopwe chemeni eú wokisin ka fókkun sani? Eli eú wokisin mi oururuk, mi álisuk óm kopwe okkufu ekiek mi ngaw, are eú wokisin ka mochen néúnéú ngeni emén. (Kölf. 119:11, 111) Ikkeei ekkóch minen álillis epwe álisuk le chemeniir.

• Áeá ewe esissil are tag lón ewe JW Library^® app. Kopwe féraatá eú tag me makkeei, “Wokisin Úa Sani,” iwe, kopwe makkeei lón ena tag ekkewe wokisin ka mochen kopwe chemeniir. a

• Pacheetá ewe wokisin ia ka tongeni kúna me ie. Makkeetiw ewe wokisin ka mochen chemeni lón eché chékúkkún taropwe, me pacheetá ia epwe mecheres kopwe kúna me ie. Ekkóch ra pacheetá wóón néúr kilasen oori, are wóón ar icebox. Ekkóch ra fichi sasingin ena wokisin me ra eáni background wóón néúr computer, phone, are device.

• Ffér noum card me néúnéú. Kopwe makkeei ewe wokisin wóón ena card me makkeetiw masouan wóón ewe epek. Mwirin, sótun esissil wóón menni wokisin ena, are masouen ena wokisin.