Ifa usun sipwe tongeni ‘fangala och seni letipach ngeni ewe Samol mi Lapalap’? (1Kr 29:5, 9, 14) Ikkeei ekkewe sókkopaten alen awora monien álillis sia tongeni filatá ren kálisitáán án Chón Pwáraatá Jiowa angang lón leenier me pwal wóón unusen fénúfan.

• EWE ANGANG WÓÓN UNUSEN FÉNÚFAN

  kaútáán me mwékútúkútún ekkewe keangen ofes me ekkewe ofesin chiyakú

  ekkewe sukul fán iten káéén Paipel

  ekkewe chón angangen special full-time

  álillis atun feiengaw watte

  án ekkewe puk peres, fférún ekkewe video me kaworen ekkewe puk online

• ÁN EWE MWICHEFEL MONI TOWU

  án ewe mwichefel moni towu, áwewe chék ren kamétiwen fiifi me konik, me minen túmúnún ewe Leenien Mwich

  án ewe mwichefel etipeeú le tinaló ngeni ewe keangen ofes monien álillis fán iten:

  • kaútáán leenien mwich me leenien mwichelap wóón unusen fénúfan

  • ewe Global Assistance Arrangement

  • pwal ekkóch angang mi fiffis wóón unusen fénúfan

EKKEWE MWICHELAP

Monien asor atun ekkewe úlúngát rán mwichelap a kan ló ngeni ewe angang wóón unusen fénúfan. Iwe nge, moni towu ren ekkewe úlúngát rán mwichelap, mwichelap mi kkóló aúchean, me international convention are mwichelapen aramas seni sókkopaten fénú, a feito seni ewe angang wóón unusen fénúfan.

Monien asor ngeni eú circuit are eú kúmiin mwichefel a kan ló ngeni méén, mwékútúkútún me túmúnún ekkewe leenien mwichelap me pwal ngeni ekkóch moni towu fán iten ena circuit. Eú circuit a tongeni etipeeú le tinaló met mi páreló ngeni ewe angang wóón unusen fénúfan, án Chón Pwáraatá Jiowa.