Lón ekkeei ránin lesópwólóón mi áweires, osukosuk a tottori meinisin néún Kot kewe chón angang. (2Ti 3:1) Ifa usun sia tongeni lúkúlúk wóón Jiowa me sópwéch le likiitú fán ekkeei osukosuk? Katol ewe video “The Eyes of the Blind Will Be Opened” me ppii met Talita Alnashi me seman kewe me inan ra féri. Mwirin pélúweni ekkeei kapas eis:

• Ifa ewe “fölun ira” Talita a likiitú fan?

• Ikkefa án Paipel kewe kapasen emmwen mi álisi Talita me seman kewe me inan ar repwe eáni ekiek mi pwúng?

• Ifa usun semen me inen Talita kewe ra pwáraatá ar lúkúlúk wóón Jiowa ekis mwirin an we reirei?

• Ifa usun semen me inen Talita kewe ra néúnéúfichi ekkewe puk me pwal ekkóch minen álillis ar repwe fótukalong tongen Kot lón letipan?

• Ifa usun a pwá pwe a péchékkúleló án Talita riri ngeni Kot inaamwo ika a wor ‘fölun ira lon fitukan’?

• Ifa usun pwóróusen Talita a apéchékkúlok?