April 28–May 4
ÄN SALOMON FOS 11
Kél 90 me Iótek | Kapasen Lepoputáán (1 min.)
1. Kosap Apasa!
(10 min.)
Kosap apasa met epwe tongeni ámeteki ‘chon arum’ (SF 11:9; w02 5/15 26 ¶4)
Kosap apasa met epwe efisi tipefesen (SF 11:11; w02 5/15 27 ¶2-3)
Kosap pwáári ekkewe mettóch mi monomon (SF 11:12, 13; w02 5/15 27 ¶5)
EKILONEI: Ifa ussun alon Jises kewe mi mak lón Luk 6:45 epwe álisikich le ttii senikich kapas mi ámmetek?
2. Kúkkútta Pwóróus Aúchea
(10 min.)
-
SF 11:17—Ifa ussun sipwe kúna feiéch ren ach pwáári kirekiréch? (g20.1 11, pwóór)
-
Met ka sani seni ewe álleaan Paipel lón ei wiik?
3. Álleaan Paipel
(4 min.) SF 11:1-20 (th lesen 5)
4. Poputááni eú Pwóróusfengen
(4 min.) AFALAFAL SERESERÉCH. Kútta alen óm kopwe ereni emén minne ka káé lón eú mwiich ka kerán fiti. (lmd lesen 2 nampa 4)
5. Liwiniti
(4 min.) AFALAFAL SERESERÉCH. Áiti ngeni me pwóróusfengen wóón eché video seni ewe Pwórun Asukul nge kosap pwal fichi. (lmd lesen 8 nampa 3)
6. Álisi Aramas le Wiliiti Chón Kraist
(4 min.) AFALAFAL LEIN CHÓMMÓNG ARAMAS. Etiwa emén an epwe káé Paipel me poputá le káé ngeni. (lmd lesen 10 nampa 3)
Kél 157
7. Kosap Mut Ngeni Óm Kapas An Epwe Atai Kinamwe
(15 min.) Afalafal me memmeef.
Pokiten sise unuséch, sia kan apasa met ese pwúng. (Jem 3:8) Iwe nge, iká sia ekieki efeiengawen ekkewe mettóch ese pwúng sia akkapasa, iwe epwe álisikich ach sisap apasa ekkewe mettóch epwe efisi ach niamam me mwirin. Ikeei ekkóch kapas a tongeni atai kinamween ewe mwichefel:
-
Eingeing. Ei a fis atun emén a mwareiti pwisin i. A tongeni efisi án ekkewe ekkóch repwe mochen okkuf ngenikich me efisi ar repwe lólówó.—SF 27:2
-
Tunosolá. Ei ese chék weneiti kapas chofona nge a pwal kapachelong kapas mi otuputup. Pwal mwo nge ekis chék kapas chofona a tongeni atai ach lúkúlúkú emén me itéchúch.—SA 10:1
-
Uwofós. Ei a fis atun sia fósun pwóróus mi lamotongaw ussun aramas me pwóróuseer ese pwúng are pwáári pwóróus mi monomon ussur. (1Ti 5:13) A tongeni emmwen ngeni ánini me tipefesen.
-
Kapas mi Ámmetek. Ei a fis atun sise nemeni ach kapas me sia kusufaawu ach song ngeni emén mi asongakich. (Ef 4:26) A tongeni ámeteki ekkewe ekkóch.—SF 29:22
Fichi ei VIDEO “Put Away” Peace Wreckers—Excerpt. Mwirin eisini chón mwiich:
-
Met ka káé seni ewe video wóón ifa ussun ach kapas a tongeni atai kinamween ewe mwichefel?
Katol “Seek Peace and Pursue It” me ppii ifa ussun a fis kinamwesefál.
8. Án ewe Mwichefel Káéén Paipel
(30 min.) bt sópwun 25 ¶14-21
