PWATA A LAMOT: Ekkewe mettóch mi amwarar repwele fis ekiseló chék repwe fókkun sótuni ach pwora me lúkúlúk wóón Jiowa. Ewe riáfféú mi lapalap epwe poputá ren katalóón lamalam chofona. (Mat 24:21; Pwä 17:16, 17) Lón ena atun, neman sipwe esilefeili eú pwóróusen kapwúng mi chou. (Pwä 16:21) Kok seni Makok epwele mauneikich. (Is 38:10-12, 14-16) Iwe, Jiowa epwe angolong me aworato ewe maun, ina “ewe rän mi lap än Kot ewe mi Unusen Manaman.” (Pwä 16:14, 16) Ren ach sipwe alapaaló ach pwora fán iten ekkena mettóch repwele fis lón mwach, a lamot sipwe úppós atun sia kúna sóssótun ach lúkú lón ei fansoun.

MINNE KOPWE FÉRI:

• Tipepwora le álisatá án Jiowa kewe allúk usun liméchún manaw.​—Ais 5:20

• Sópweló le eti pwiich kewe Chón Kraist le fel ngeni Jiowa.​—Ip 10:24, 25

• Mwittir álleasochisi emmwen seni án Jiowa mwicheich.​—Ip 13:17

• Ekilonei ifa usun Jiowa a amanawa néún kewe aramas lóóm.​—2Pe 2:9

• Iótek ngeni Jiowa, me lúkúlúk wóón.​—Kf 112:7, 8

KATOL EWE VIDEO FUTURE EVENTS THAT WILL REQUIRE COURAGE—EXCERPT, MWIRIN PÉLÚWENI EKKEEI KAPAS EIS:

• Ifa usun ekkewe chón afalafal lón eú mwichefel ra kúna sóssótun ar álleasochis atun ar mwichefel a kochu ngeni pwal ekkóch mwichefel?

• Ifa usun pwora me álleasochis ra ririfengen?

• Pwata a lamot pwora atun warotoon Armaketon?

• Menni pwóróus lón Paipel a tongeni apéchékkúla ach lúkúlúk wóón án Jiowa tufichin amanawakich?​—2Kr 20:1-24