Mi wor popun mi amwarar pwata chón Israel repwe mwareiti Jiowa. A uweiirewu seni lón Isip me amanawer seni án Farao we mwichen soufiu. (Eks 15:1, 2) A chúen sópwósópwóló án Jiowa féri minne mi múrinné ngeni néún kewe aramas. Ifa usun sia tongeni pwáraatá ach kilisou ngeni?​—Kf 116:12.

Eú alen ach sipwe féri ena, ina ach fiti ewe angangen auxiliary are regular pioneer. Ka tongeni iótek pwe epwe wor óm mochen me tufich le fiti angangen pioneer. (Fp 2:13) Chómmóng ra akkomw poputá le fiti auxiliary pioneer. Ka tongeni filatá le néúni 30 are 50 awa lón ekkewe maram March me April me atun án ewe chónemmwen mi wisen sáifetál chuuri óm mwichefel. Atun kopwe kúna ewe pwapwa ka meefi atun óm auxiliary pioneer, neman kopwe mochen achocho pwe kopwe fiti ewe angangen regular pioneer. Pwal mwo chókkewe mi fiti angangen moni full-time are chókkewe mi apwangapwang inisiir ra tufichin fiti regular pioneer. (mwb16.07 8) Ren enletin, mi fich ngeni Jiowa ach sipwe fókkun achocho le mwareiti i!​—1Kr 16:25.

KATOL EWE VIDEO THREE SISTERS IN MONGOLIA, MWIRIN PÉLÚWENI EKKEEI KAPAS EIS:

• Menni weires ekkewe úlúmén pwipwi ra kúna, me ifa usun ra pwákiniir pwe repwe tongeni pioneer?

• Ikkefa ekkewe feiéch ra kúna?

• Menni mineféén angang a suuk ngeniir pokiten ar fiti regular pioneer?

• Ifa usun ar leenien áppirú a amwékútú ekkewe ekkóch?