Jesus a allúkú ngeni néún kewe chón káé pwe repwe feiló me asukula aramas ar repwe wiliti chón tapweló mwirin. (Mat 28:19) A kapachelong lón ei ewe angangen afalafal me ewe angangen asukula aramas. Mi lamot kich meinisin sipwe kan pwisin eisinikich, ‘Ifa usun upwe ámúrinnééló ai féri ekkena ruu angang mi lamot lón ewe angangen álisi aramas ar repwe wiliti Chón Kraist?’

Sisap witiwit án aramas repwe feito rech nge sipwe achocho le kútta ekkewe mi ‘pwapwaiti ar repwe etiwakich.’ (Mat 10:11) Atun sia fiti ewe angangen afalafal, sia kan mmólnetá ach sipwe afalafal ngeni ié chék? (Föf 17:17) Litia a wiliti emén Chón Kraist pokiten án Paulus tinikken le afalafal.—Föf 16:13-15.

KATOL EWE VIDEO CONTINUE PREACHING “WITHOUT LETUP”​—INFORMALLY AND FROM HOUSE TO HOUSE, MWIRIN PÉLÚWENI EKKEEI KAPAS EIS:

• Lón án Samuel angangen iteiten rán, ifa usun a pwáraatá pwe a kan akkomwa an fótuki ekkewe pwikilin enlet?

• Pwata a lamot sipwe tinikken le fiti ekkewe sókkopaten alen afalafal meinisin?

• Lón óm angangen iteiten rán, ié kewe ka tongeni afalafal ngeni usun pwóróusen ewe Mwú?

Lón ach ei angangen álisi aramas le wiliti Chón Kraist, sipwe féri pwal och me lúkún ach chék likiti ngeniir ekkóch puk. Ren ar repwe feffeitá lón ar silei Kot, mi lamot sipwe liwinitiir me káé ngeniir ewe Paipel. (1Ko 3:6-9) Nge met ika ese uwaéch ach tinikken le asukula emén ewe enlet usun ewe Mwú? (Mat 13:19-22) Sipwe chék sópweló le kútta chókkewe letiper a usun “pwül mi mürina.”—Mat 13:23; Föf 13:48.

KATOL EWE VIDEO CONTINUE PREACHING “WITHOUT LETUP”​—PUBLICLY AND MAKING DISCIPLES, MWIRIN PÉLÚWENI EKKEEI KAPAS EIS:

• Ifa usun Solomon me Mary ra atútú ewe pwikilin enlet lón letipen Ezekiel me Abigail?

• Met sia mochen achocho ngeni atun sia fiti meinisin ekkewe sókkopaten alen afalafal kapachelong ewe afalafal lón ekkewe leeni ia aramas ra kan soun nóm ie?

• Ifa usun sipwe achocho le alapaaló ach asukula aramas ewe enlet?