EBIRAGIRO bikaba nibyikiriza kuhayo enkombe ninga shi entungura nk’ebitambo ahari Yehova. Omu biragiro ezo nyonyi ibiri zikaba nizikira kugambwa ziri hamwe ahakuba omuntu ku yabire nabura emwe akaba ari kubasa kuhayo endijo. (Lev 1:14; 12:8; 14:30) Ni guha mugasho ogu cabire kine? Enshonga emwe ni ahabw’okuba entungura zikaba zitari kukira kurebeka. Ahabw’enki?

Ezo ntungura nizikira kutambura n’okuba omuri Isirayeli omu bwire bw’obutagasi. Omu Kwikumi nizifurukira omu mahanga g’omu mashuma agarimu obutagasi, rero zigaruka omuri Isirayeli omu bwire bw’obutagasi. (Cesh 2:11, 12; Yer 8:7) Omuri Isirayeli eco nikimanyisa ku Omwisirayeli yabire atari kubasa kuhayo entungura nk’ekitambo omu bwire bw’obufukirizi.

Konka enkombe zo zikaba nizirebeka omuri Isirayeli omu mwaka gona ahakuba tiziri kufuruka kandi nambwenu abantu bakaba nibazorora omu ka. (Geranisa na Yohana 2:14, 16.) Ekitabo ekiri kugamba ahaby’ebihingwa n’enyamishwa ebiri kugambwa omuri Bibuli, nikigamba ku, “abantu ababire batwire omu byaro n’omu matawuni g’omuri Palesitine babire nibakira korora enkombe. Buri ka ekaba eyine aho kororera enkombe ninga shi ekisika eki enyonyi zabire nizituramu.”—Geranisa na Isaya 60:8.

Obwe rero, Yehova akereka ku ayine rukundo kandi ku naringaniza, ari kwikiriza ngu Abisirayeli baheyo enkombe ezabire nizirebeka obwire bwona nk’ebitambo.