ISHOMO RYA 43
Ni enki eki Bibuli eri kugamba aha bikwatirine n’okunywa amarwa?
Omu nsi yona, abantu nibareba amarwa omu buryo obutari kushushana. Abamwe nikibashemeza kunywa amarwa baba bari hamwe na banywani babo. Abandi bo nibasharamu kureka kunywa amarwa oku gakuba gari kona. Nambwenu hariho abandi abari kunywera kusinda. Mbwenu shi, Bibuli negamba ki aha bikwatirine n’okunywa amarwa?
1. Mbehi kunywa amarwa ni kibi?
Bibuli teri kugamba ku kunywa amarwa ari kibi. Ahobwe Bibuli ku eri kugamba aha biconco ebi Ruhanga yatuhire, negamba ngu, ‘vinyo negwisa ge emitima y’abantu.’ (Zaaburi 104:14, 15) Abashija n’abakazi bamwe abari kugambwa omuri Bibuli bakaba nibanywa amarwa.—1 Timoseo 5:23.
2. Ni buha buhabuzi obu Bibuli eri kuha abari kusharamu kunywa amarwa?
Yehova nayanga okunywa amarwa mingi n’okusinda. (Abagalatia 5:21) Ekigambo ceye Bibuli nikigamba ngu: ‘Otariza omu mutwe gw’abari kurengesereza omu kunywa amarwa.’ (Enfumu 23:20) Obwe rero, twasharamu kunywa amarwa n’obu twakuba turi twenka, titushemerire kunywa amarwa mingi agari kubasa kutuma twaremwa kutekateka ge, twaremwa kwerinda omu bi turi kugamba n’ebi turi kukora ninga shi twaremwa kurinda omubiri gwitu. Twaba turi kuremwa kwekwata omu kunywa amarwa, tushemerire kugarugaho.
3. Ni bata oku turi kubasa kwereka ku nitureba ensharamu z’abandi aha bikwatirine n’okunywa amarwa omu buryo obuhikire?
Buri muntu naba ashemerire kweshariramu yaba ari kubasa kunywa amarwa ninga kugareka. Titushemerire kucwera omuntu orubanja ngu ni ahabw’okuba ari kunywa amarwa, kandi tihine owu tushemerire kugema kuganywa. (Abarooma 14:10) Tushemerire kureka kunywa amarwa, yaba turi kuganywa tukaretera abandi ebizibu. (Shoma omu Barooma 14:21.) Titushemerire ‘kusherura ebyitu aha bwitu kureka tusherure eby’abandi.’—Shoma omu 1 Bakorinso 10:23, 24.
YEGA BYINGI
Reba emisinge ya Bibuli erije kukukwasa yaba ori kwenda kusharamu kunywa amarwa, n’agu ori kubasa kunywa oku gari kwingana. Nambwenu reba eki ori kubasa kukora ekiri kubasa kukukwasa yaba wabire omugaragwa w’amarwa.
4. Sharamu yaba ori kubasa kunywa amarwa
Ni bata oku Yesu yabire nareba ebikwatirine n’okunywa amarwa? Kugira ngu tutunge ecokugarukamu, reka turebe ecokutangaza c’okubanza eki yakozire. Shoma omuri Yohaana 2:1-11, rero muganire ahari ebi bibuzo:
-
Tukuratize eki cokutangaza, twayegera ki aha bikwatirine n’oku Yesu ari kureba okunywa amarwa n’abari kuganywa?
-
Mbwenu shi yaba Yesu yabire atari kwanga okunywa amarwa, Omukristo ashemerire kureba ata omuntu ori kuganywa?
Konka, n’obu Omukristo atari kuzibirwa kunywa amarwa, tikiri kumanyisa ngu burijo nikiba kiri kirungi kuganywa. Shoma omu Nfumu 22:3, rero mushwijume oku ebi bintu biri kubasa kukukwataho wanywa amarwa:
-
Waza kuvuga ninga kukoresa emashini.
-
Waba oyine enda.
-
Dokita yaba yakushabire kwerinda kunywa amarwa.
-
Yaba ori kuremwa kwezibira kunywa mingi.
-
Yaba ebiragiro by’omu ihanga ryanyu biri kukuzibira kunywa amarwa.
-
Waba ori hamwe n’omuntu owashaziremu kugareka, ahakuba omu bwire bwa kare cabire kiri kumugumira kwezibira kunywa mingi.
Mbehi nshemerire kuha amarwa abu nayeta omu mbaga? Kugira ngu omanye eki ori kubasa kukora, Zana VIDIYO.
Shoma omu Barooma 13:13 n’omu 1 Bakorinso 10:31, 32. Mwamara kushoma buri cahandikirwe, muganire ahari eki kibuzo:
-
Ni bata oku kukuratiza ogu musinge kiri kubasa kukukwasa kukora ensharamu eri kutuma Yehova yahimbisibwa?
Buri Mukristo ashemerire kweshariramu kunywa amarwa ninga shi kutaganywa. Nangwa n’obu yakuba amazire obwire ari kuganywa, nabasa kugareka
5. Sharamu oku amarwa agu orije kunywa garije kuba gari kwingana
Washaramu kunywa amarwa, yijuka eki: N’obu Yehova atari kutuzibira kunywa amarwa, natugambira ku okunywa amarwa mingi ari kibi. Ahabw’enki? Shoma omuri Hosea 4:11, 18, rero muganire ahari eki kibuzo:
-
Ni enki ekiri kubasa kubaho omuntu yanywa amarwa mingi?
Ni bata oku turi kubasa kwerinda kunywa amarwa mingi? Tushemerire kuba abacurezi, kandi tumanya obugarukiro bwitu. Shoma omu Nfumu 11:2, rero muganire ahari eki kibuzo:
-
Ahabw’enki kiri kirungi kweteraho obugarukiro bw’aha ku amarwa agu orije kunywa gashemerire kuba gari kwingana?
6. Ekiri kubasa kukwasa omuntu kureka kunywa amarwa mingi
Reba ecakwasize omushija omwe kureka kunywa amarwa mingi. Zana VIDIYO, rero muganire ahari ebi bibuzo.
-
Nk’oku wakireba omuri vidiyo, ni bata oku amarwa gagizire engaruka ahari Dmitry?
-
Mbehi akaba ari kubasa kugareka?
-
Mbwenu shi, ni bata oku bwanyima yabasize kureka kunywa amarwa mingi?
Shoma omu 1 Bakorinso 6:10, 11, rero muganire ahari ebi bibuzo:
-
Ni enki eki Bibuli eri kugamba aha bikwatirine n’okusinda?
-
Ni enki ekiri kwereka ku omuntu ori kunywa amarwa mingi ari kubasa kuhinduka?
Shoma omuri Matayo 18:8, rero muganire ahari eki kibuzo:
-
Obu Yesu yakoresize ebigambo ‘kutemaho omukono,’ akaba ari kumanyisa ku tushemerire kweferereza kugira ngu tushemeze Yehova. Ni enki eki turi kubasa kukora yaba kureka kunywa amarwa mingi byaturemire? *
Shoma omu 1 Bakorinso 15:33, rero muganire ahari eki kibuzo:
-
Ni enki ekiri kubasa kukuhikaho waba ori kwekwatanisa n’abantu abari kunywa amarwa mingi?
ABANTU ABAMWE NIBABASA KUBUZA NGU: “Mbwenu shi Bibuli negamba ku okunywa amarwa kiri kibi?”
-
Nobasa kumugarukamu ota?
EMPINYE
Yehova akatuha amarwa kugira ngu tushemererwe, konka nayanga okunywa amarwa mingi n’okusinda.
Wayega ki?
-
Ni enki eki Bibuli eri kugamba aha bikwatirine n’okunywa amarwa?
-
Ni ziha ngaruka eziri kuruga omu kunywa amarwa mingi?
-
Ni bata oku turi kubasa kureba ensharamu z’abandi aha bikwatirine n’okunywa amarwa nk’ezihikire?
CONDOZA
Ni bata oku abacari bato bari kubasa kukora ensharamu ndungi aha bikwatirine n’okunywa amarwa?
Reba oku ori kubasa kwerinda engaruka eziri kuretwa n’okunywa amarwa mingi.
“Guma onywe amarwa omu bwire bwago” (Omunara g’Omurinzi, 1 Okokubanza, 2010)
Mbehi Abakristo bashemerire kubuganisa ebirahuri baza kunywa?
“Ebibuzo by’abashomi” (Omunara g’Omurinzi, 15 Okwakabiri , 2007)
Omu nkuru eyine omutwe oguri kugira ngu, “Nkaba ntari kuhaga amarwa,” reba oku omushija omwe yarekire kunywa amarwa mingi.
“Bibuli nehindura amagara g’abantu” (Omunara g’Omurinzi, 1 Okwatano, 2012)
^ Abantu abari kuba babire abagaragwa b’okunywa amarwa mingi nibaba bari kwetenga obuyambi bw’amani kugira ngu babase kugareka. Abadokita bingi nibagamba ku abantu abari kunywa amarwa bakabugana ebizibu, bari kuba bashemerire kugareka.
