Arko nga para sa tulay sa kalamakan gidala ngadto sa pundasyon sa tulay. Sa gidiskarga kini, gipahiluna una kini sa mga ligid. Ang tulay makatabang sa pagpanalipod sa kalamakan.

Sa dili pa moabot ang tingtugnaw, mausab ang kolor sa berdeng atop nga gitabonan ug umogon nga matang sa mga tanom nga gitawag ug “sedum.” Mga 16 ka klaseng sedum ang gitanom diha sa mga atop. Ang mga “green roof” makatabang nga dili kaayo mabanlas ang yuta tungod sa ulan, makapakunhod sa gasto sa enerhiya ug kinahanglang kuhaan lag mga sagbot aron magpabiling himsog.

Karpintero nga nagtaod ug scribe molding sa kosina sa usa ka kuwarto. Sa kataposan sa Pebrero 2016, ang Carpentry Department nakataod nag kapin sa 60 porsiyento sa mga kabinet para sa kosina.

Mga elektrisyan nagtaod ug mga sugang light-emitting diode (LED) nga magpasiga sa Watch Tower logo diha sa courtyard tower.

Sug-an magabii ang Offices/Services Building, apil ang courtyard tower ug entrance lobby. Puwedeng mosaka ang mga bisita diha sa tower aron ilang makita ang nindot nga talan-awon sa Warwick site ug sa palibot niini.

Mga nagtrabaho sa konstruksiyon naghimog karsada para sa mga emergency vehicle pinaagig pagbutang ug mga graba ug pagsemento niini. Ang temporaryong burlap cover sa duol makatabang nga dili kaayo mabanlas ang yuta panahon sa konstruksiyon.

Ang mga nagtrabaho nagtaod ug prefabricated skylight ibabaw sa elevator lobby. Pinaagig 11 ka skylight diha sa Offices/Services Building, mahayagan sa adlaw ang interyor nga mga dapit niini.

Gamit ang oxygen-acetylene beveling machine, giputol sa welder ang carbon steel nga tubo para sa chilled water system.

Karpintero nagtaod ug tabla para sa pasamano sa bentana. Human malebel ang tabla ug mataod ang bungbong, itaod na ang human-daan nga pasamano sa bentana (windowsill).

Ang “pavers” (gama sa bricks para sa agianan) giplastar samtang nag-ulan. Sa tungatunga sa tuong bahin sa hulagway, may abohon nga “screed” nga nagpatag sa duha ka lut-od nga graba. Sa atubangang bahin sa hulagway, gipaubos sa excavator nga gibutangag hydraulic installation clamp ang pavers aron maplastar kini. Sa wala, may plastic tarp nga gitabon sa yuta aron dili mabanlas.

Mga trabahante nagbitad ug medium-voltage wire ngadto sa electrical substation, nga maoy magsuplay ug koryente sa Warwick complex.

Trabahante nagtapos sa frame sa atop sa walkway tali sa Visitor Parking ug sa Offices/Services Building. Kini nga atop mag-protektar sa mga bisita nga dili mabasa sa ulan ug snow.

Teknisyan nga nag-adjust sa boiler settings diha sa control panel. Nainstalar na ang upat ka boiler sa Warwick complex.

Mga trabahante nagtaod sa mga dryer sa Laundry Department. Ang mga dryer kasudlag 6 ngadto sa 45 ka kilo. Ang mga washing machine iplastar sa wala nga bahin.

Si Gerrit Lösch, membro sa Nagamandong Lawas, nagdumalag Pagtuon sa Bantayanang Torre sa pamilyang Bethel. Kini nga programa gi-broadcast ngadto sa ubang lokasyon diin nagpuyo ang mga trabahante sa Warwick.

Ang Interiors Department naghatod ug carpet ngadto sa usa sa mga residence building. Kapig 65,000 ka metro kuwadrado nga carpet ang giorder para sa Warwick complex.

Tali sa Septiyembre 2015 ug Pebrero 2016, nadawat na ang mga certificate of occupancy para sa Residence C ug D, ug dinhi temporaryong mopuyo ang mga nagtrabaho. Nataod na sab ang mga elevator sa mga bilding. Ang konstruksiyon sa Residence Drive, apil ang pagplastar sa pavers, nahuman na pod. Tungod kay dili kaayo grabe ang tingtugnaw, nakapadayon ang landscaping nga abante sa eskedyul.

Membro sa suspended-ceiling crew naggamit ug stilts aron mataod ang mga grid para sa kisame. Ang Walls/Ceilings Department maoy nagtrabaho sa pagtaod sa mga frame, insulation, drywall hanging, finishing, ug plastering, ug ang pagtaod usab sa firestopping (depensa para sa sunog) diha sa mga bungbong.