Grabe na kaayo ang kagubot sa Haiti tungod sa mga gang. Nagkadaghan ang krimen sa South Africa ug Mexico, apil na pod sa ubang mga nasod sa Latin America. Bisan sa mga lugar nga wala na kaayoy krimen, ang mga tawo nabalaka gihapon ug mibating walay kasegurohan tungod sa mga balita bahin sa pagpangawat ug pagpangdaot sa mga propidad.

 Unsay giingon sa Bibliya bahin sa nagkagrabeng pagkadaotan sa tibuok kalibotan?

 Gitagna sa Bibliya nga ang pagkadaotan maoy usa ka ilhanan “sa hinapos sa sistema sa mga butang.” (Mateo 24:3) Bahin sa mga hitabo nianang panahona, si Jesu-Kristo miingon:

•   “Tungod sa paggrabe sa kalapasan, mobugnaw ang gugma sa kadaghanan.”—Mateo 24:12.

 Gitagna pod sa Bibliya nga “sa kataposang mga adlaw” ang mga tawo “walay pagpugong sa kaugalingon, bayolente, walay gugma sa pagkamaayo.” (2 Timoteo 3:1-5) Kining dili maayong mga kinaiya apil sa hinungdan sa grabeng pagkadaotan nga atong nakita karon.

 Pero dili ta angayng mawad-ag paglaom. Nagsaad ang Bibliya nga ang pagkadaotan hapit nang mawala.

•   “Sa dili na madugay, ang daotan mawala na; pangitaon nimo sila sa ilang nahimutangan, apan wala sila didto. Apan ang mga maaghop manag-iya sa yuta, ug mabatonan nila ang tumang kalipay tungod sa dagayang pakigdait.”—Salmo 37:10, 11.

 Aron mahibalog dugang bahin sa paglaom nga naa sa Bibliya ug kon nganong makaseguro ka nga ang mga hitabo karon nagtuman sa tagna sa Bibliya, konsideraha ang mosunod nga mga artikulo.

 “Tinuod nga Paglaom Alang sa Mas Maayong Kaugmaon”

 “Unsa ang Ilhanan sa ‘Kataposang mga Adlaw,’ o ‘Panahon sa Kataposan’?”

 “Gitagna ba sa Bibliya ang Panghunahuna ug Binuhatan sa mga Tawo Karon?”