PADAYON SA PAGBANTAY!
Naa Kahay Lig-ong Gobyerno nga Makamando sa Tibuok Kalibotan?—Unsay Giingon sa Bibliya?
Daghang gobyerno sa tibuok kalibotan ang huyang. Bisan ang gamhanang mga nasod dili gihapon lig-on ug panggobyerno. Ang uban nilang mga politiko nalangkit sa eskandalo, ug ang mga tawo lahilahig gisuportahan nga mga lider, nagkabahinbahin sa politikal nga mga isyu, ug nagsigeg protesta.
Pero ang Bibliya nag-ingon nga naay usa ka lig-on nga gobyerno. Tingali nakadungog na ka bahin niana nga gobyerno. Mao kana ang gihisgotan ni Jesu-Kristo sa modelong pag-ampo.
“Busa, mag-ampo kamo niining paagiha: ‘Amahan namo nga anaa sa mga langit, balaanon unta ang imong ngalan. Paanhia ang imong Gingharian. Matuman unta ang imong kabubut-on, maingon sa langit, mao man usab sa yuta.’”—Mateo 6:9, 10.
Unsay giingon sa Bibliya bahin niana nga Gingharian?
Ang Gingharian—usa ka lig-ong gobyerno
Ang Gingharian magmando gikan sa langit.
Si Jesus nag-ingon nga kini nga gobyerno mao “ang Gingharian sa langit.” (Mateo 4:17; 5:3, 10, 19, 20) Kanay hinungdan nga siya miingon: “Ang akong Gingharian dili bahin niining kalibotana.”—Juan 18:36.
Ang Gingharian maoy mopuli sa mga gobyerno sa tawo.
Ang Bibliya nag-ingon: “Dugmokon ug taposon niini [nga Gingharian] kining tanang gingharian [sa tawo], ug kini ray mobarog hangtod sa hangtod.”—Daniel 2:44.
Kini nga Gingharian mandoan ni Jesu-Kristo, ug dili gyod ni malaglag.
Ang Bibliya nag-ingon: “Ang iyang pagmando maoy hangtod sa hangtod—kini dili matapos. Ug ang iyang gingharian dili malaglag.”—Daniel 7:13, 14.
Ang Gingharian magdalag kalinaw ug kasegurohan dinhi sa yuta.
Ang Bibliya nag-ingon: “Sila manglingkod, ang tagsatagsa ilalom sa iyang punoan sa ubas ug sa iyang kahoyng igos, ug walay usa nga makapahadlok kanila.”—Miqueas 4:4.
Pagkat-on ug dugang bahin sa Gingharian
Niadtong dinhi pa si Jesus sa yuta, siya kanunayng “nagwali sa maayong balita sa Gingharian.” (Mateo 9:35) Siya mitagna sab:
“Kining maayong balita sa Gingharian isangyaw sa tibuok yuta sa pagpamatuod ngadto sa tanang kanasoran, ug unya moabot ang kataposan.”—Mateo 24:14.
Karon, ang maayong balita sa Gingharian gisangyaw na sa kapig 240 ka nasod ug kayutaan. Gidapit ka namo nga mokat-og dugang bahin niini nga gobyerno ug kon sa unsang paagi ka makabenepisyo sa pagmando niini.
Palihog tan-awa ang video nga Unsa ang Gingharian sa Diyos?
Basin Ganahan Pod Ka
PAGMATA!
Sa Pagmando sa Gingharian sa Diyos “ang Pakigdait Modagaya”
Ang Gingharian sa Diyos magdalag kalinaw ug panaghiusa sa tibuok yuta.
ANG BANTAYANANG TORRE
Kinsa ang Hari sa Gingharian sa Diyos?
Ang pipila ka magsusulat sa Bibliya nagsulat ug mga detalye bahin sa usa nga mahimong Hari sa Gingharian sa Diyos. Sa tibuok kasaysayan sa tawo, usa lang ang mihaom sa maong deskripsiyon.
UBANG TOPIKO
Tinuod nga Paglaom Alang sa Mas Maayong Kaugmaon
Nganong ang mga saad sa Bibliya lahi ra sa mga saad ug prediksiyon sa tawo?
IMPORTANTENG MGA PAGTULON-AN SA BIBLIYA
Ang Gingharian sa Diyos Nagsugod Pagmando Niadtong 1914
Kapig 2,500 ka tuig kanhi, gipadamgo sa Diyos ang usa ka gamhanang hari bahin sa mahitabo sa umaabot ug kini nagakatuman karon.
ANG BANTAYANANG TORRE
Gingharian sa Diyos—Gobyerno nga Walay Korapsiyon
May unom ka butang bahin sa Gingharian nga naggarantiya nga kini wala gyoy korapsiyon.
BAHIN KANAMO
Hangyo nga Magpaduaw
Pakighisgot bahin sa usa ka topic sa Bibliya, o pagkat-og dugang bahin sa mga Saksi ni Jehova.
