Sa Septiyembre 5, 2012, Miyerkoles sa buntag, gipahibalo sa pamilyang Bethel sa United States ug Canada nga may bag-ong membro ang Nagamandong Lawas sa mga Saksi ni Jehova. Sugod sa Septiyembre 1, 2012, si Mark Sanderson nag-alagad niana nga katungdanan.

Si Brader Sanderson nagdako sa Saksi nga pamilya sa San Diego, California, U.S.A. Siya nabawtismohan sa Pebrero 9, 1975, ug nagpayunir sa Saskatchewan, Canada, sa Septiyembre 1, 1983. Sa Disyembre 1990, siya migraduwar sa ikapitong klase sa Ministerial Training School (gitawag karon ug Bible School for Single Brothers) sa United States. Si Brader Sanderson giasayn nga espesyal payunir sa isla sa Newfoundland, Canada, sa Abril 1991. Human mag-alagad ingong kapuling magtatan-aw sa sirkito, siya gidapit nga mahimong membro sa pamilyang Bethel sa Canada sa Pebrero 1997. Sa Nobyembre 2000, siya gibalhin sa sangang buhatan sa United States, diin siya nagtrabaho sa Hospital Information Services ug sa ulahi sa Service Department.

Sa Septiyembre 2008, si Brader Sanderson mieskuyla sa School for Branch Committee Members ug dayon gitudlo nga membro sa Branch Committee sa Pilipinas. Sa Septiyembre 2010, siya gidapit nga mobalik sa United States, diin siya nag-alagad ingong katabang sa Service Committee sa Nagamandong Lawas.