‘Magtanyag Kitag Halad Kang Jehova’

SA DIHANG may magpakitag kaayo kanimo, sa unsang paagi nimo ikapakita ang imong pagpabili? Tagda kon sa unsang paagi gipakita sa mga pangulo sa kasundalohan sa Israel ang ilang pagpabili human makigsangka sa mga Midianhon. Ang panagsangka nahitabo human makasala ang Israel may kalabotan kang Baal sa Peor. Gipahinabo sa Diyos nga magmadaogon ang iyang katawhan, ug ang mga inagaw gibahinbahin sa 12,000 ka sundalo ug sa tanang Israelinhon. Sumala sa sugo ni Jehova, ang mga sundalo mohatag ug usa ka bahin sa ilang nadawat ngadto sa mga saserdote, ug ang ubang Israelinhon mohatag ug susamang bahin ngadto sa mga Levihanon.—Num. 31:1-5, 25-30.

Apan, ang mga pangulo sa kasundalohan gustong mohatag ug labaw pa. “Ang imong mga ulipon nakaihap na sa kinatibuk-an sa mga tawong manggugubat nga ilalom sa among pagdumala ug walay usa nga gitahong nakulang,” sila miingon kang Moises. Ingong halad kang  Jehova, sila mihatag ug bulawan ug lainlaing mga dayandayan. Ang bulawan nga mga dayandayan miabot ug kapin sa 190 ka kilo.—Num. 31:49-54.

Karon, daghang tawo usab ang nagpakitag pagpabili sa nahimo ni Jehova alang kanila. Dugang pa, dili lamang ang mga alagad ni Jehova ang nagpakita niana. Tagda pananglitan ang usa ka drayber sa bus nga naghatod-kuha sa mga delegado sa internasyonal nga kombensiyon diha sa usa ka estadyum sa Bologna, Italya niadtong 2009. Tungod sa kamaampingon-sa-pagdrayb ug kalumo sa maong drayber, gihatagan siya sa iyang mga pasahero ug kard agig pasalamat ug gilakipan kinig tip ug libro nga Unsay Tinuod nga Gitudlo sa Bibliya? Ang drayber miingon: “Nalipay ko sa pagdawat niining kard ug libro, apan ako lang iuli ang kuwarta kay gusto nakong idonar kana aron makapadayon mo sa inyong buluhaton. Bisag dili ko Saksi ni Jehova, gusto nakong modonar kay akong nakita nga gihimo ninyo ang inyong buluhaton tungod sa gugma.”

Ang usa ka paagi nga imong ikapakita ang imong pagpabili sa nahimo ni Jehova para kanimo mao ang pagdonar alang sa tibuok-kalibotang buluhaton sa mga Saksi ni Jehova. (Mat. 24:14) Ang mga paagi diin ang pipila makadonar gilista diha sa kahon.

[Kahon sa panid 20, 21]

MGA PAAGI SA PAGHATAG NGA GIPILI SA UBAN

MGA AMOT ALANG SA TIBUOK-KALIBOTANG BULUHATON

Daghan ang naggahin o nagbadyet ug salapi nga ilang ihulog diha sa mga kahon sa kontribusyon nga gimarkahan ug “Worldwide Work.”

Matag bulan, ang mga kongregasyon magpadala niining maong salapi ngadto sa sangang buhatan sa mga Saksi ni Jehova nga nagdumala sa ilang nasod. Ang kinabubut-on nga mga donasyong salapi mahimong ipadala usab nga direkta sa Watch Tower Bible and Tract Society of the Philippines, Inc., P.O. Box 2044, 1060 Manila, o sa sangang buhatan sa mga Saksi ni Jehova nga nagdumala sa nasod nga inyong gipuy-an. (Ang boluntaryong mga donasyon nga gihisgotan sa ubos mahimong ipadala usab sa sangang buhatan sa mga Saksi ni Jehova nga nagdumala sa nasod nga inyong gipuy-an.) Ang mga tseke nga ipadala sa adres sa ibabaw kinahanglang himoon nga payable to “Watch Tower Society.” Ang mga alahas o ubang mahalong mga butang mahimo usab nga idonar. Ang mubong sulat nga nagpahayag nga kana gidonar angayng ipasukip niana.

CONDITIONAL-DONATION TRUST ARRANGEMENT

Ang salapi mahimong ibutang nga in trust with Watch Tower Society aron magamit kini sa tibuok kalibotan. Apan, kon ang nagdonar mohangyo sa maong salapi, kana ibalik kaniya. Alang sa dugang impormasyon, palihog kontaka ang Watch Tower Society sa adres nga gitala dinhi.

CHARITABLE PLANNING

Gawas sa direktang pagdonar ug salapi, adunay ubang mga paagi sa paghatag aron makatabang sa buluhaton sa Gingharian sa tibuok kalibotan. Kini naglakip sa:

Insurance: Ang Watch Tower Society mahimong himoon nga benepisyaryo sa usa ka polisa sa life insurance o sa pagretiro/pensiyon.

Bank Accounts: Ang mga pondo sa bangko, sertipiko sa deposito, o indibiduwal nga mga pondo sa pagretiro mahimong ibutang nga in trust for o himoong payable on death ngadto sa Watch Tower Society, nga nahiuyon sa mga kinahanglanon sa lokal nga bangko.

Stocks and Bonds: Ang mga stock o aksiyones ug mga bond, mahimo usab nga idonar ngadto sa Watch Tower Society o ang Watch Tower Society mahimong himoon nga Transfer on Death beneficiary.

Real Estate: Ang ikabaligya nga balay ug yuta mahimong idonar nga direkta. Kon kini gipuy-an pa, mahimo niya kining ireserba ug magpadayon sa pagpuyo diha niana samtang siya buhi pa. Kontaka ang sangang buhatan sa dili pa buhatag papeles ang bisan unsang balay o yuta.

Gift Annuity: Kini maoy usa ka kahikayan diin ibalhin sa usa ang iyang salapi o mga deposito ngadto sa korporasyon nga gigamit sa mga Saksi ni Jehova. Sa baylo, ang nagdonar, o ang usa nga iyang gitudlo, modawat ug usa ka tino nga bayad matag tuig sa tibuok niyang kinabuhi. Ang buhis sa kinitaan (income tax) sa nagdonar makunhoran sa tuig nga gisugdan ang gift annuity.

Wills and Trusts: Ang propiedad o salapi mahimong idonar ngadto sa Watch Tower Society pinaagig usa ka legal nga testamento, o ang Watch Tower Society mahimong himoon nga benepisyaryo sa usa ka trust agreement. Ang trust nga mapanunod sa usa ka relihiyosong organisasyon mahimong adunay pipila ka bentaha sa buluhisan.

Ang “charitable planning” o plano sa paghatag ug buhat sa kaluoy, maoy usa ka paagi sa pagdonar nga kinahanglang planohon daan. Aron maabagan ang mga indibiduwal nga gustong motabang sa tibuok-kalibotang buluhaton sa mga Saksi ni Jehova pinaagig charitable planning, gihimo ang brosyur nga Charitable Planning to Benefit Kingdom Service Worldwide nga mabatonan sa Iningles o Kinatsila. Kini nga brosyur naghatag ug impormasyon bahin sa mga paagi diin ikahatag ang mga gasa karon o inigkamatay sa nagdonar. Human mabasa ang maong brosyur ug makonsulta ang ilang mga magtatambag bahin sa legal nga mga butang o sa buhis, daghan ang nakatabang sa pagsuportar sa kalihokan sa mga Saksi ni Jehova sa tibuok kalibotan ug namenosan ug dako ang ilang bayranan sa buhis samtang nagbuhat niana. Kining brosyura mabatonan pinaagig direktang paghangyo niini sa Charitable Planning Office.

Alang sa dugang impormasyon, mahimong kontakon ang Charitable Planning Office pinaagig sulat o telepono, diha sa adres nga gilista sa ubos, o mahimong kontakon ang sangang buhatan sa mga Saksi ni Jehova nga nagdumala sa nasod nga inyong gipuy-an.

Charitable Planning Office

Watch Tower Bible and Tract Society of the Philippines, Inc.

186 Roosevelt Avenue,

San Francisco del Monte 1105 Quezon City

Telepono: (02) 411-6090