Gisimba nato si Jehova dili lang panahon sa atong mga tigom, asembliya, ug kombensiyon kondili sa personal pod ug ingong pamilya. Niay mga ideya nga puwede nimong konsiderahon sa imong personal nga pagtuon ug pamilyahanong pagsimba:

• Pangandam para sa mga tigom sa kongregasyon. Puwede kang magpraktis sa atong mga awit o kaha mag-andam ug komento uban sa imong pamilya.

• Pagbasa ug usa ka asoy sa Bibliya. Pagkahuman, idrowing ang usa ka panghitabo sa imong gibasa o isulat ang imong nakat-onan.

• Pagbasa ug usa ka pag-ampo diha sa Bibliya, ug hisgoti kon sa unsang paagi makatabang ni nga mouswag ang imong mga pag-ampo.

• Pagtan-aw ug video sa jw.org dayon hisgoti kini o kaha isulat ang imong nakat-onan gikan sa video.

• Pangandam para sa ministeryo, tingali puwede pod mong maghimog practice session.

• Panid-i ang kalalangan ug pamalandonga o hisgoti kon unsay gitudlo niini kanimo bahin kang Jehova. a