“Ang mga Saksi buotan dili lang sa mga tawo kondili sa ako pong mga iro. Usa ka adlaw, si Elaine, nga nagtindog tapad sa cart, mihatag ug biskuwit sa akong duha ka iro. Mao nga kada agi namo sa cart, birahon ko sa akong mga iro aron makakaon silag biskuwit.

“Milabay ang pipila ka bulan. Na-enjoy sa mga iro ang biskuwit, ug naestorya nako kadiyot ang mga Saksi. Pero wala kaayo ko makigsuod nila. Kapin na kog 70 anyos, ug dili kaayo ko segurado kon unsay gituohan sa mga Saksi. Wala ko kaangay sa daghang relihiyon nga nangangkong Kristohanon, maong naghunahuna ko nga ako na lay maningkamot ug tuon sa Bibliya.

“Adtong panahona, nakakita pod kog mga Saksi sa ubang parte sa siyudad, nga nagtindog tapad sa ilang mga cart. Mga buotan pod sila. Pirme silang mogamit ug Bibliya sa pagtubag sa akong mga pangutana, mao nga anam-anam kong misalig nila.

“Usa ka adlaw, nangutana si Elaine, ‘Motuo ba ka nga regalo sa Diyos ang mga hayop?’ Mitubag ko, ‘Aw, oo!’ Dayon gibasa ni Elaine ang Isaias 11:6-9. Sukad ato, gusto na kong mokat-on bahin sa Bibliya. Pero dili gihapon ko modawat ug basahon sa mga Saksi.

“Sa misunod nga mga adlaw, giganahan ko sa among naestoryahan ni Elaine ug sa iyang bana nga si Brent bisag kadiyot ra. Giingnan ko nila nga testingan nakog basa ang Mateo hangtod Buhat aron akong masabtan kon unsa gyod ang tinuod nga Kristohanon. Ako tong gihimo. Wala madugay, nagpa-Bible study na ko kang Brent ug Elaine. Mga tungatunga to sa 2016.

“Eksayted kong mag-Bible study ug motambong sa tigom sa Kingdom Hall kada semana. Nalipay kaayo ko nga makakat-on kon unsa gyoy gitudlo sa Bibliya. Paglabay lag kapin sa usa ka tuig, nabawtismohan ko. Karon, 79 anyos na ko, ug mapasalamaton kaayo ko nga nakit-an nako ang tinuod nga relihiyon. Gipanalanginan ko ni Jehova kay gitabangan ko niya nga mahimong bahin sa iyang tibuok kalibotang pamilya.”