Mga Batan-on Nangutana

Unsaon Nako Pagkab-ot ang Akong mga Tumong?

HAIN sa mosunod ang gusto nimong mabatonan?

● Dugang pagsalig sa kaugalingon

● Dugang mga higala

● Dugang kalipay

Sa pagkatinuod, mahimo nimong mabatonan kining tulo! Sa unsang paagi? Pinaagi sa pagtakda ug pagkab-ot ug mga tumong. Tagda ang mosunod.

Dugang pagsalig sa kaugalingon Kon magtakda kag gagmayng tumong ug kab-oton kana, makabaton kag pagsalig sa pagtakda ug mas dagkong tumong. Mahimong mas masaligon ka sa pag-atubang sa adlaw-adlawng mga problema—sama sa pagpit-os sa isigka-batan-on. Sa baylo, ang uban lagmit makamatikod sa imong pagsalig sa kaugalingon ug tahoron ka nila. Mahimong dili ka na kaayo pit-oson sa uban. Basin ganig dayegon ka pa nila.—Itandi ang Mateo 5:14-16.

Dugang mga higala Ang mga tawo ganahang makig-uban niadtong dunay mga tumong—niadtong nahibalo kon unsay ilang gusto ug naningkamot sa pagkab-ot niana. Ug sa dihang sila masuod na kanimo tungod sa imong mga tumong, sagad sila makatabang kanimo sa pagkab-ot niana.—Ecclesiastes 4:9, 10.

Dugang kalipay Ang tinuod, makalaay ang kinabuhi kon walay tumong. Sa laing bahin, kon magtakda kag mga tumong ug imo kanang kab-oton, mobati kag katagbawan. Mao diay nga si apostol Pablo, nga usa ka Kristohanon sa unang siglo, nakaingon: “Ang akong pagdagan dili kay walay tumong.” (1 Corinto 9:26, Contemporary English Version) Ug hinumdomi, kon mas dako ang tumong, mas mobati kag dugang katagbawan sa dihang makab-ot kana!

Andam ka na ba? Guntinga ug pil-a ang panid nga anaa sa tuo, ug dayon sunda ang mga giya nga nalista. a

Ang ubang artikulo gikan sa seryeng “Young People Ask” makita diha sa Web site nga www.watchtower.org/ype

[Footnote]

 ANGAYNG PALANDONGON

● Posible ba ang pagtakdag daghan kaayong tumong sa usa lang ka higayon?—Filipos 1:10.

● Ang pagtakda bag mga tumong nagpasabot nga ang imong kinabuhi pulos na lang pagplano?—Filipos 4:5.

[Kahon/Mga hulagway sa panid 25]

Kon unsaon pagkab-ot ang imong mga tumong

SAYRA Proverbio 4:25, 26 1

“Ayawg kabalaka sa pagtakdag dagkong tumong. Kon ang uban nakakab-ot niana kaniadto, makab-ot usab nimo kana.”—Roben.

1. Paghunahunag posibleng mga tumong. Isulat lang ang tanan nga imong mahunahunaan. Sulayi kon makalista kag labing menos 10 o 20 ka tumong.

2. Susiha ang imong mga nahunahunaan. Hain niana ang labing makapainteres o ang kinalisoran? Hain niana ang buot gayod nimong makab-ot? Hinumdomi nga ang labing maayong mga tumong mao kadtong importante kaayo para nimo.

3. Unaha kon unsay importante. Una, pagtakdag gagmayng tumong nga makab-ot nimo sulod sa pipila lang adlaw. Dayon, pagtakda ug dagkong tumong (nga makab-ot sulod sa pipila lang ka semana o bulan). Butangig numero ang imong mga tumong sumala sa kon unsay buot nimong unahon sa pagkab-ot.

Tumong nga Mahimong Kab-oton

Pagpakighigala Makighigala niadtong dili nako kaedad. Makigsuod pag-usab sa akong mga higala kaniadto.

Panglawas Mag-ehersisyog 90 ka minutos kada semana. Matulog ug walo ka oras kada gabii.

Eskuylahan Patas-on ang akong grado sa math. Dili magpadaog sa pagpit-os nga mangopya panahon sa eksaminasyon.

Espirituwalidad Magbasag Bibliya sulod sa 15 minutos kada adlaw. Ipaambit ang akong tinuohan ngadto sa akong klasmet niining semanaha.

 Planoha Proverbio 21:5 2

“Maayo ang pagtakdag mga tumong, apan kinahanglan sab kang magplano sa pagkab-ot niana. Kay kon dili, ang imong mga tumong dili gayod matuman.”—Derrick.

Sa matag tumong nga imong gipili, buhata kining mosunod:

1. Isulat ang imong tumong.

2. Pagtakda ug deadline. Sa pagkatinuod, ang tumong nga walay deadline maoy pangandoy lamang!

3. Planoha ang angayng himoon.

4. Dahoma nga dunay mga babag. Dayon paghunahunag mga solusyon.

5. Tumana gayod ang imong plano. Panaad sa imong kaugalingon nga himoon gyod nimo ang imong kinamaayohan sa pagkab-ot niini nga tumong. Dayon pirmahi kini ug butangig petsa.

Magtuon ug Kinatsila para sa akong pag-adto sa Mexico Hulyo 1

kAngayng himoon

1. Mopalit ug diksiyonaryo.

2. Magtuon ug napulo ka bag-ong pulong matag semana.

3. Maminaw sa uban nga nagsultig Kinatsila.

4. Mangutana sa uban kon husto ba ang akong grammar ug linitokan.

Posibleng mga babag

Walay makamaog Kinatsila sa among lugar

Kon unsay angay nakong himoon

Mag-download ug mga audio recording nga Kinatsila diha sa www.jw.org.

․․․․․ ․․․․․

Pirma Petsa

Buhata! Juan 13:17 3

“Dali kang malinga ug makalimot sa imong mga tumong, busa ibutang kanunay sa imong hunahuna ang imong tumong ug paningkamoti nga makab-ot kana.”—Erika.

Sugdi dayon. Pangutan-a ang imong kaugalingon, ‘Unsay akong mahimo karon aron masugdan ang akong tumong?’ Hinuon, basin dili ka pa kaayo andam, apan ayaw pagtugot nga mababagan ka niana sa pagsugod sa imong tumong. Uyon niini, ang Bibliya nag-ingon: “Kon magpaabot ka nga momaayo ang hangin ug panahon, dili ka gayod makapugas ug makaani.” (Ecclesiastes 11:4, Today’s English Version) Paghunahuna kon unsay imong mahimo karon—bisag unsa pa kana ka gamay—ug buhata kana.

Repasoha ang imong mga tumong matag adlaw. Pahinumdomi ang imong kaugalingon kon nganong importante kanimo ang matag tumong. I-monitor ang imong pag-uswag pinaagig pagbutang ug ✔ (o petsa nga nakompleto) tapad sa matag tikang nga imo nang nakompleto.

Magmapailin-ilinon. Bisag unsa pa ka maayo ang imong mga plano, basin kinahanglan nimo kanang usbon sa ngadtongadto. Okey lang kana. Ayawg kabalaka kon dili masunod ang tanan nimong giplano. Ang importante mao nga maningkamot ka sa pagkab-ot sa imong tumong.

Handurawa kana. Handurawa nga nakab-ot na nimo ang imong tumong. Batia nga ikaw nagmalamposon. Dayon, hunahunaa pag-usab ang matag tikang. Human niana, handurawa nga imong ginabuhat ang matag tikang, ug batia ang katagbawan sa dihang imo nang makab-ot ang imong tumong. Sige, buhata na kana!

[Hulagway]

Ang mga tumong nahisamag plano sa usa ka tinukod—kinahanglan ang pagtrabaho aron mapatindog ang tinukod!

[Kahon/Mga hulagway sa panid 25]

KON UNSAY GISULTI SA UBANG BATAN-ON 4

“Dali kang maluya kon wala kay tumong o gipaabot. Apan kon magtakda kag mga tumong ug kab-oton kana, mobati kag katagbawan.”—Reed.

“Ayawg basola ang imong kaugalingon kon wala nimo makab-ot ang imong tumong sumala sa imong gidahom. Dili kana makatabang kanimo. Ayawg surender!”—Cori.

“Pakigsulti sa mga tawo nga nakakab-ot na ug tumong nga sama sa imong gitakda. Sila makatabang ug makahatag ug mga sugyot kanimo. Sultihi usab ang imong pamilya bahin sa imong mga tumong aron makatabang usab sila kanimo.”—Julia.

[Diagram sa panid 24]

(Alang sa aktuwal nga pagkahan-ay, tan-awa ang publikasyon)

Guntinga

Pil-a