‘Ang Kinamaayohang Libro Bahin sa mga Relihiyon sa Kalibotan’

◼ Naglisod ang usa ka maestra sa hayskul sa Canada sa pagtudlo sa iyang mga estudyante bahin sa mga pagtulon-an sa nagkalainlaing mga relihiyon diha sa iyang dapit. Human makabasa sa librong Pagpangita sa Katawhan sa Diyos, siya miingon: “Kini ang kinamaayohang libro nga akong nabasahan bahin sa mga relihiyon sa kalibotan!” Siya naikag pag-ayo sa libro nga siya nangayog permiso ug gitugotan sa kadagkoan sa eskuylahan sa paggamit niining libroha diha sa klase.

Ang maestra miingon nga way kaso bisag mobiyahe pa siyag kapin sa 500 kilometros sa pagkuhag 40 ka libro sa sangang buhatan sa mga Saksi ni Jehova sa Canada. Apan ang mga Saksi sa iyang dapit nalipay sa paghatod ug mga libro kaniya. Ubay-ubayng estudyante sa iyang klase naikag pag-ayo sa libro ug mihangyog kaugalingong mga kopya.

Kining libroha makatabang usab kanimo sa pagsabot sa tinuohan sa tawo sa inyong dapit. Kini naghisgot bahin sa sinugdanan, kasaysayan, ug mga pagtulon-an sa dagkong mga relihiyon sa kalibotan​—nga naglakip sa Hinduismo, Budhismo, Taoismo, Confucianismo, Shintoismo, Hudaismo, Islam, ug Kristiyanidad.

Makahangyo ka niining 384 ka panid nga librong Pagpangita sa Katawhan sa Diyos nga daghag hulagway pinaagi sa pagpil-ap sa kupon sa ubos ug sa pagpadala niini sa adres nga makita sa kupon o sa tukmang adres nga gilista diha sa panid 5 niining magasina.

□ Interesado akong makadawat ug kopya sa librong Pagpangita sa Katawhan sa Diyos.

□ Palihog kontaka ako bahin sa usa ka libreng pagtuon sa Bibliya sa balay.