“Wa Gyod Ko Magtuo nga Duna Diay Ngalan ang Diyos”

◼ Mao kanay giingon sa usa ka babaye human niya mabasa ang librong Unsay Tinuod nga Gitudlo sa Bibliya? Siya midugang: “Apan makataronganon baya kay sa dihang ako ning gipangita sa akong Bibliya, naa gyod tuod ang ngalan sa Diyos!” Siya miingon: “Karon pa gyod ko nakabasag libro bahin sa Bibliya nga mapuslanon kaayo ug sayon sabton!”

Ang librong Gitudlo sa Bibliya wala lamang maghisgot bahin sa orihinal nga katuyoan sa Diyos alang sa yuta nga himoon kining paraiso, kondili nagpatin-aw usab kini kon sa unsang paagi ang maong katuyoan mamatuman. Gibutyag niining libroha ang hinungdanong papel sa Anak sa Diyos, nga si Jesu-Kristo, sa pagpalampos sa maong katuyoan. Gihisgotan usab niini ang gitudlo sa Bibliya kon nganong kita matigulang ug mamatay, nganong gitugotan sa Diyos ang pag-antos, ug kon sa unsang paagi ang Gingharian sa Diyos magtaganag kahupayan gikan sa tanang pag-antos.

Bisag tulo pa lang ka tuig ang milabay sukad giluwatan ang librong Gitudlo sa Bibliya, kapin na sa 79 milyon ka kopya ang naimprenta diha sa 220 ka pinulongan. Makahangyo kag kopya niini pinaagi sa pagpil-ap sa kupon sa ubos ug pagpadala niini ngadto sa adres nga makita diha sa kupon o sa tukmang adres nga gilista sa panid 5 niining magasina.

□ Interesado akong makadawat ug kopya sa libro nga gipakita dinhi.

□ Palihog kontaka ako bahin sa usa ka libreng pagtuon sa Bibliya sa balay.