“Kababayen-an​—Angayan sa Pagtahod”

Ang 17-anyos nga estudyante sa kolehiyo sa India miapil sa kompetisyon sa pahayag-publiko nga gihikay sa iyang eskuylahan. Midesidir siya sa pagkuha sa iyang tema gikan sa mga seryal sa hapin nga nag-ulohang “Kababayen-an​—Angayan sa Pagtahod,” sa Hulyo 8, 1992, nga gula sa Pagmata!

Ang tema sa iyang pakigpulong mao ang “Kababayen-an​—Gitahod ba Sila Karong Adlawa?” Ang resulta? “Ako ang nakakuha sa unang ganti sa kompetisyon,” siya miingon. “Gusto ko lang ipahayag ang akong tim-os nga pasalamat alang sa Pagmata!,” siya mipadayon. “Dako kaayo kinig tabang sa mga kabataan nga sama kanamo tungod kay kini naghatag kanamo ug nunot-sa-panahong impormasyon. Kini nagtabang usab kanamo sa pagsagubang sa mga kalisod niining kalibotana.”

Nalingaw ka ba sa pagbasa niining maong gula sa Pagmata!? Kini gisulat aron paglamdag sa tibuok pamilya, dili lamang alang sa mga batan-on. Kining magasina motugkad sa kahiladman ug mopunting sa tinuod nga kahulogan sa mga hitabo karon. Kini gipatik nga duha ka beses sa usa ka bulan sa Cebuano. Basaha gayod ang matag isyu!