Ang Labing Hinungdanong Tigom sa Tuig

Handurawa nga ikaw nag-antos sa usa ka sakit nga nagpameligro sa imong kinabuhi. Ang operasyon makaayo kanimo, apan dili nimo maarangan ang galastohan sa operasyon. Karon pananglit may miabot nga magtatabang ug mitanyag nga maoy mobayad sa operasyon. Dili ka ba magpasalamat sa iyang nagaluwas-ug-kinabuhi nga gasa?

Ang Bibliya nagtudlo nga ang unang mga tawo, si Adan ug Eva, nagpasa sa sala ug kamatayon ngadto sa tanan nilang mga kaliwat. Nan, makaingon kita nga ang matag usa kanato gipakatawo nga adunay dili mamaayo nga sakit​—ug walay mausa kanato ang makaarang sa pagbayad sa tambal. (Salmo 49:7-9) Bisan pa niana, si Jehova nga Diyos nagtagana sa iyang Anak, si Jesu-Kristo, ingong lukat sa pagbayad sa atong mga sala. Tungod niining nagaluwas-ug-kinabuhi nga gasa, kita may kahigayonan nga mabuhi sa walay kataposan sa Paraiso.​—Roma 6:23.

Sa Miyerkoles, Abril 16, human sa pagsalop sa adlaw, saulogon sa mga Saksi ni Jehova ang kamatayon ni Jesus. Sa miaging tuig kapin sa 15,000,000 ang mitambong​—kadaghanan kanila dili mga Saksi ni Jehova. Ikaw gidapit sa pagtambong sa Memoryal sa kamatayon ni Kristo niining tuiga. Kini mao gayod ang labing hinungdanong tigom sa tuig. Palihog pagpakisayod sa mga Saksi ni Jehova sa inyong lugar alang sa tukmang oras ug dapit.