Tinuod ba nga Naglungtad ang Diyos?

Sa nasod sa Thailand, usa ka batan-ong lalaki ang miingon nga siya nag-ampo, nga nagahangyo: “Diyos ko, kon ikaw tinuod nga naglungtad, tabangi ako nga makakat-on sa imong mga dalan.” Sa ulahi, ang tawo miasoy:

“Usa sa mga Saksi ni Jehova ang miduaw sa akong balay, apan wala ako didto. Iyang gibilin ang usa ka tract ug usa ka imbitasyon nga adunay mapa nga nagtultol sa tigomanan.” Gisundan sa tawo ang gihatag nga mga direksiyon. Siya miingon: “Ang tigomanan hinlo kaayo ug simple, ug ang mga tawo mainiton ug mahigalaon kaayo.

“Lain pang butang nga ako nakadayeg mao nga ang matag usa adunay kaugalingong kopya sa Bibliya ug nagpakli niini aron sundan ang mamumulong. Mao gayod kini ang akong gituohan nga buhaton sa usa nga magtuon sa Bibliya aron masabtan ang hinungdanong punto sa tinuod relihiyosong mga pagtulon-an. Dugang nakapatingala kanako mao ang paagi nga ang mga bata makasunod sa pagtuon ug makakomento usab. Wala gayod ako makakita niini sukad masukad.”

Usa sa binase-sa-Bibliya nga mga publikasyon nga gigamit sa mga tigom sa mga Saksi ni Jehova mao ang librong Is There a Creator Who Cares About You? Ikaw makadawat ug usa ka kopya niining 192-panid, papel-ug-hapin nga libro pinaagi sa pagpil-ap ug pagpadala sa nagaubang kupon ngadto sa adres nga gitagana o ngadto sa nahiangayng adres nga gilista sa panid 5 niining magasina.

□ Padalhi ako ug usa ka kopya sa librong Is There a Creator Who Cares About You?

□ Palihog kontaka ako mahitungod sa usa ka libreng pagtuon sa Bibliya sa balay.

[Picture Credit Line sa panid 32]

“Pillars of Creation” sa hapin sa basahon: J. Hester ug P. Scowen (AZ State Univ.), NASA