Ang Pagpangita ug Kahibalo sa Usa ka Batan-on

Usa ka 16-anyos nga estudyante sa hayskul sa Republika sa Czech misulat sa sangang buhatan sa mga Saksi ni Jehova sa Prague sa mosunod nga sulat sa apresasyon.

“Nabasa ko nga sulagma ang inyong magasing Pagmata! Wala ako masayod kon unsa na ka dugay nga kini nakaimpluwensiya niining dakong kalibotan, apan sa akong hunahuna maayo kaayo ang pagdawat niini sa publiko. Sa unang tan-aw makapahingangha kon unsa ka daghang impormasyon ug kon unsa ka daghang tinuod nga mga hitabo ang nasulod diha sa mga artikulo. Ang tinuod nga mga sugilanon ug ang tambag nga anaa sa Pagmata! magbukas sa mga mata sa usa ka tawo nga wala masinati sa komon nga mga problema ug mga kapeligrohan.

“Ako nakadayeg sa magasin dili lamang kay kini matulon-anon kondili tungod kay kini usab adunay halapad nga panglantaw bahin sa mga tawo ug mga rasa. . . . Pinaagi niining sulata buot kong isulti nga ang inyong paningkamot sa pagsulat niining mga artikuloha alang kanamo tinuod gayong mapuslanon. Ako nagpasalamat kaninyo sa ngalan sa tanang magbabasa kinsa, sama kanako, nakadayeg sa inyong trabaho. Palihog padalhi ako ug dugang mga isyu sa inyong magasing Pagmata! . . . Palihog padalhi usab ako sa brosyur nga Unsa ang Katuyoan sa Kinabuhi? Sa Unsang Paagi Makaplagan Nimo Kini?”

Kami masaligon nga ikaw usab makabatog dakong kaayohan sa pagbasa sa nindot 32-panid nga brosyur nga Unsa ang Katuyoan sa Kinabuhi? Sa Unsang Paagi Makaplagan Nimo Kini? Kining publikasyona nagpakita nga ang atong Maglalalang adunay dakong katuyoan nga sa dili madugay mamatuman. Ikaw makahangyo ug usa ka kopya pinaagi sa pagpil-ap ug pagpadala sa kaubang kupon ngadto sa adres nga makita diha sa kupon o sa tukmang adres nga gilista sa panid 5 niining magasina.

□ Interesado ako nga makadawat ug kopya sa brosyur nga Unsa ang Katuyo-

an sa Kinabuhi? Sa Unsang Paagi Makaplagan Nimo Kini?

□ Palihog kontaka ako mahitungod sa usa ka libreng pagtuon sa Bibliya sa balay.