Makapili Ka sa Imong Kaugmaon
Mga 3,500 ka tuig sa miagi, giingnan ni Jehova nga Diyos ang iyang mga magsisimba kon unsay angay nilang himoon aron makabaton ug maayong kaugmaon: “Akong gibutang ang kinabuhi ug ang kamatayon sa inyong atubangan, ang panalangin ug ang tunglo; ug pilia gayod ang kinabuhi aron mabuhi mo ug ang inyong mga kaliwat.”—Deuteronomio 30:19.
Aron makabaton ug maayong kaugmaon, angay silang mohimog hustong desisyon. Mao pod nay angay natong himoon karon. Gipakita sa Bibliya kon unsaon nato pagbaton ug maayong kaugmaon: “Pinaagi sa paghigugma kang Jehova nga inyong Diyos, sa pagpamati kaniya.”—Deuteronomio 30:20.
UNSAON NATO PAGHIGUGMA UG PAGPAMATI KANG JEHOVA?
TUN-I ANG BIBLIYA: Aron mahigugma ka kang Jehova, kinahanglang mahibalo una ka bahin kaniya pinaagi sa pagtuon sa Bibliya. Pinaagi niana, imong mahibaloan nga siya mahigugmaong Diyos ug gusto niya nga makabaton kag maayong kaugmaon. Gusto niya nga moampo ka kaniya “kay gimahal [ka] niya.” (1 Pedro 5:7) Ang Bibliya nagsaad nga kon maningkamot ka nga masuod kaniya, siya makigsuod kanimo.—Santiago 4:8.
IPADAPAT ANG IMONG NAKAT-ONAN: Ang pagpamati sa Diyos nagpasabot nga imong sundon ang iyang maalamong giya diha sa Bibliya. Kon imo nang himoon, “magmalamposon ka ug molihok nga maalamon.”—Josue 1:8.
^ par. 7 Karon, kini mabatonan sa pito ka pinulongan, apil ang Iningles, Mandarin, ug Cantonese Chinese.
Basin Ganahan Pod Ka
TUBAG SA MGA PANGUTANA BAHIN SA BIBLIYA
Unsay Giingon sa Bibliya Bahin sa Kagawasan sa Pagpili? Gikontrolar ba sa Diyos ang Imong Kapalaran?
Daghan ang nagtuo nga ang ilang kinabuhi gikontrolar sa kapalaran. Ang ato bang mga desisyon makaapektar sa atong kalamposan?
ANG BANTAYANANG TORRE
Imong Kaugmaon, Magdepende Nimo!
Nagtuo ang uban nga ang kapalaran o predestinasyon maoy nagkontrol sa ilang kinabuhi. Pero tinuod ba na?
TUBAG SA MGA PANGUTANA BAHIN SA BIBLIYA
Unsa ang mga Yawi sa Pagsabot sa Bibliya?
Bisan unsay imong kagikan, posibleng masabtan nimo ang mensahe sa Diyos diha sa Balaang Kasulatan.
