Ang tinuod nga mga Kristohanon dili gyod magpababag sa bisan unsa o kang bisan kinsa sa ilang pagsimba kang Jehova. Segurado nga kanay imong gibati. Gipabilhan ni Jehova ang imong pagkamaunongon. (Basaha ang 1 Cronicas 28:9.) Unsang mga situwasyon nga masulayan ang imong pagkamaunongon kaniya, ug unsay makatabang nimo?

1. Sa unsang paagi ang uban mahimong hinungdan nga masulayan ang atong pagkamaunongon kang Jehova?

Tingali pugngan ta sa uban sa pag-alagad kang Jehova. Kinsay mohimo ana? Ang uban nga mibiya sa kamatuoran mosultig kabakakan bahin sa organisasyon sa Diyos aron daoton ang atong pagtuo. Gitawag sila nga mga apostata. Ang uban pong mga lider sa relihiyon nagpakaylap ug bakak nga impormasyon bahin nato aron mobiya sa kamatuoran kadtong mga dili mabinantayon. Delikado kon makig-estorya ta sa mga magsusupak, mobasa sa ilang mga libro o blog, moabli sa ilang mga website, o motan-aw sa ilang mga video. Bahin niadtong mosulay sa pagpugong sa mga maunongong nag-alagad kang Jehova, si Jesus miingon: “Pasagdi ninyo sila. Mga buta sila nga tiggiya. Kon ang buta giyahan ug buta, silang duha mangahulog sa gahong.”—Mateo 15:14.

2. Unsang personal nga mga desisyon ang posibleng magsulay sa atong pagkamaunongon kang Jehova?

Tungod sa atong gugma kang Jehova, likayan nato ang bisan unsa nga konektado sa bakak nga relihiyon. Ang atong trabaho, ang mga organisasyon nga atong giapilan, o ang bisan unsa nga atong ginahimo angayng dili konektado sa bakak nga relihiyon. Gipasidan-an ta ni Jehova: “Gula mo [sa Bantogang Babilonya], akong katawhan.”—Pinadayag 18:2, 4.

 TUN-IG DUGANG

3. Pagbantay sa bakak nga mga magtutudlo

Unsay angay natong reaksiyon kon makadungog tag negatibong mga estorya bahin sa organisasyon ni Jehova? Basaha ang Proverbio 14:15, ug dayon hisgoti kini nga pangutana:

• Nganong dili nato tuohan ang tanan nga atong madunggan?

Basaha ang 2 Juan 9-11, ug dayon hisgoti kini nga mga pangutana:

• Unsay angay natong pagtratar sa mga apostata?

• Bisan pag wala ta direktang makig-estorya sa mga apostata, sa unsang mga paagi maimpluwensiyahan gihapon ta sa ilang mga ideya?

• Unsa kahay bation ni Jehova kon maminaw ta sa negatibong ginasulti bahin niya o sa iyang organisasyon?

4. Pabiling maunongon sa Diyos dihang naay igsoon nga makasala

Kon nahibalo ta nga naay igsoon nga nakahimo ug seryosong sala, unsay atong obligasyon? Konsideraha ang usa ka prinsipyo gikan sa Balaod sa Diyos sa karaang Israel. Basaha ang Levitico 5:1.

Sumala sa gisugo niana nga teksto, kon nahibalo ta nga ang usa ka tawo nakahimog seryosong sala, angayng isulti nato sa mga ansiyano ang atong nahibaloan. Pero sa dili pa na himoon, maayo kon dasigon nato ang nakasala nga moduol sa mga ansiyano ug itug-an ang iyang sala. Kon dili na niya himoon, ang atong pagkamaunongon kang Jehova magpalihok nato nga isulti sa mga ansiyano ang atong nahibaloan. Nganong pagpakita nig maunongong gugma . . .

• kang Jehova nga Diyos?

• sa tawo nga nakasala?

• sa uban diha sa kongregasyon?

 5. Gula sa Bantogang Babilonya

 SUMARYO

Aron magpabiling maunongon kang Jehova, kinahanglang dili ta makig-uban niadtong mosulay sa pagpahuyang sa atong pagtuo ug pagkamatinumanon.

Review

• Nganong dili ta angayng maminaw sa mga ideya sa mga apostata?

• Kon nahibalo ta nga dunay igsoon nga nakahimo ug grabeng sala, unsay angay natong himoon?

• Unsaon nato pagsunod ang pasidaan nga mogula sa bakak nga relihiyon?