LEKSIYON 44
Ang Tanan Bang Selebrasyon Makapalipay sa Diyos?
Gusto ni Jehova nga mag-enjoy ta sa kinabuhi ug magselebrar pa gani usahay. Pero ang tanan bang selebrasyon makapalipay niya? Unsaon nato pagpakita ang atong gugma kang Jehova aning bahina?
1. Nganong ang daghang selebrasyon dili makapalipay kang Jehova?
Masorpresa tingali ka sa pagkahibalo nga daghang selebrasyon ang gibase sa mga pagtulon-an nga supak sa Bibliya o naay paganong mga sinugdanan. Ang maong mga selebrasyon konektado tingali sa bakak nga relihiyon. Tingali konektado ni sa espiritismo o gibase sa ideya nga ang kalag dili mamatay. Ang ubang selebrasyon ginahimo sa mga tawo tungod sa patuotuo o kay nagtuo silag suwerte. (Isaias 65:11) Gipasidan-an ni Jehova ang iyang mga magsisimba: “Ilain ang inyong kaugalingon . . . ug hunong na sa paghikap sa hugawng butang.”—2 Corinto 6:17. a
2. Unsay pagbati ni Jehova sa mga selebrasyon nga naghatag ug sobrang pasidungog sa mga tawo?
Gipasidan-an ta ni Jehova nga dili ‘sa mga tawo mosalig.’ (Basaha ang Jeremias 17:5.) Ang ubang selebrasyon nagpasidungog sa mga magmamando o sa mga sundalo. Ang uban pod maoy bahin sa mga simbolo o kagawasan sa nasod. (1 Juan 5:21) Ang uban pang selebrasyon konektado sa politikal nga mga kalihokan o sa tawhanong mga organisasyon. Unsa kahay bation ni Jehova kon mohatag tag sobrang pasidungog sa usa ka tawo o organisasyon, ilabina kadtong nagpasiugdag mga ideya nga supak sa Iyang gusto?
3. Unsa nga mga buhat ang makapahimo sa mga selebrasyon nga dili maayo sa panan-aw sa Diyos?
Gidili sa Bibliya ‘ang pagpalabig inom, ang banha ug way pugong nga paglipaylipay, ug ang pagpalabwanayg inom.’ (1 Pedro 4:3) Sa ubang selebrasyon, ang mga tawo wala nay kontrol sa ilang kaugalingon ug naghimog imoral nga mga buhat. Aron magpabilin tang higala ni Jehova, kinahanglan tang magpalayo sa maong moral nga kahugawan.
TUN-IG DUGANG
Sayra kon sa unsang paagi nimo mapalipay si Jehova pinaagi sa paghimog maalamong mga desisyon bahin sa mga selebrasyon.
4. Likayi ang mga selebrasyon nga nagpasipala kang Jehova
Basaha ang Efeso 5:10, ug dayon hisgoti kini nga mga pangutana:
-
Unsay kinahanglan natong seguroon dihang magdesisyon kon moapil ba ta sa usa ka selebrasyon?
-
Unsa nga mga selebrasyon ang popular sa inyong lugar?
-
Para nimo, makapalipay ba kang Jehova ang maong mga selebrasyon?
Pananglitan, nakahunahuna na ba ka sukad kon unsay panglantaw sa Diyos bahin sa pagselebrar ug birthday? Wala gyoy gihisgotan sa Bibliya nga magsisimba ni Jehova nga nagselebrar ug birthday, pero naghisgot nig duha ka birthday nga giselebrar sa mga tawo nga wala mag-alagad Kaniya. Basaha ang Genesis 40:20-22 ug Mateo 14:6-10. Dayon hisgoti kini nga mga pangutana:
-
Unsay parehas niining duha ka selebrasyon sa birthday?
-
Base niini nga mga estorya sa Bibliya, unsa kahay pagbati ni Jehova bahin sa mga birthday?
Pero makapangutana tingali gihapon ka, ‘Naa ba gyoy epekto kang Jehova kon moapil ko ug selebrasyon sa birthday o sa ubang selebrasyon nga supak sa Bibliya?’ Basaha ang Exodo 32:1-8. Dayon i-play ang VIDEO, ug hisgoti ang mosunod nga mga pangutana:
-
Nganong kinahanglan natong seguroon kon unsay giuyonan ni Jehova?
-
Unsaon nato na paghimo?
Kon unsaon pagkahibalo nga ang selebrasyon dili makapalipay sa Diyos
-
Gibase ba ni sa mga pagtulon-an nga supak sa Bibliya? Aron imong mahibaloan, susiha ang sinugdanan niini.
-
Naghatag ba nig sobrang pasidungog sa mga tawo, organisasyon, o simbolo sa nasod? Atong pasidunggan si Jehova labaw sa tanan ug masaligon ta nga sulbaron niya ang mga problema sa kalibotan.
-
Ang mga ginahimo ba niini nga mga selebrasyon supak sa mga sukdanan sa Bibliya? Kinahanglan tang magpabiling hinlo sa moral.
5. Tabangi ang uban nga tahoron ang imong gituohan
Lisod tingaling mobalibad kon presyuron kang moapil sa mga selebrasyon nga dili makapalipay kang Jehova. Ipatin-aw ang imong desisyon sa mapailobon ug matinahoron nga paagi. Aron makita nimo kon unsaon ni paghimo, i-play ang VIDEO.
Basaha ang Mateo 7:12, ug dayon hisgoti kini nga mga pangutana:
-
Base niini nga teksto, angay ba nimong sultihan ang mga membro sa imong pamilya nga dili nila puwedeng iselebrar ang usa ka selebrasyon?
-
Unsay puwede nimong himoon aron pasaligan ang imong pamilya nga bisag dili ka moapil sa ilang selebrasyon, imo silang gimahal ug gipabilhan?
6. Gusto ni Jehova nga magmalipayon ta
Gusto ni Jehova nga mag-enjoy ta kauban ang atong pamilya ug mga higala. Basaha ang Ecclesiastes 8:15, ug dayon hisgoti kini nga pangutana:
-
Giunsa pagpakita niini nga teksto nga gusto ni Jehova nga magmalipayon ta?
Gusto ni Jehova nga ang iyang katawhan mag-enjoy sa ilang panag-ubanay. I-play ang VIDEO aron imong makita nga tinuod gyod ni diha sa among internasyonal nga mga kombensiyon.
Basaha ang Galacia 6:10, ug dayon hisgoti kini nga mga pangutana:
-
Kinahanglan ba tang moapil sa popular nga mga selebrasyon aron ‘makabuhat ug maayo’ sa uban?
-
Unsa nga pagpanghatag ang mas makapalipay nimo —kanang obligado kang mohatag kay naay selebrasyon o kanang mohatag ka kay gusto kang mohatag?
-
Usahay, ang mga Saksi naay espesyal nga buhaton para sa ilang mga anak ug isorpresa pa gani nila sila ug mga regalo. Kon naa kay mga anak, naa ba kay mahimong espesyal para nila?
ANG UBAN MOINGON: “Dili man importante kon unsay sinugdanan sa usa ka selebrasyon. Ang importante nga nag-enjoy ka kauban ang imong pamilya ug mga higala.”
-
Unsay imong isulti?
SUMARYO
Gusto ni Jehova nga mag-enjoy ta kauban ang atong pamilya ug mga higala. Pero gusto pod niya nga dili ta moapil sa mga selebrasyon nga dili makapalipay niya.
Review
-
Unsay atong ipangutana sa atong kaugalingon aron atong mahibaloan kon ang usa ka selebrasyon makapalipay ba kang Jehova o dili?
-
Unsaon nato pagpasabot sa atong pamilya ug mga higala ang atong desisyon bahin sa mga selebrasyon?
-
Giunsa nimo pagkahibalo nga gusto ni Jehova nga magmalipayon ta ug mag-enjoy?
SUSIHA
Sayra ang pipila sa mga selebrasyon nga dili ginaselebrar sa mga Kristohanon.
“Nganong ang mga Saksi ni Jehova Dili Magsaulog sa Pipila ka Selebrasyon?” (Web article)
Basaha ang upat ka rason kon nganong nagtuo mi nga ang pagselebrar ug birthday dili makapalipay sa Diyos.
“Nganong ang mga Saksi ni Jehova Dili Magsaulog ug Adlawng Natawhan?” (Web article)
Tan-awa kon sa unsang paagi ang mga bata nga nahigugma kang Jehova makapalipay kaniya panahon sa holiday.
Minilyong Kristohanon ang midesisyon nga dili magselebrar ug Pasko. Unsay ilang gibati sa ilang desisyon?
“Sila Nakakaplag ug Usa ka Butang nga Mas Maayo” (Ang Bantayanang Torre, Disyembre 1, 2012)
Basin Ganahan Pod Ka
KOMON NGA MGA PANGUTANA
Unsa ang Bible Study Program nga Gina-offer sa mga Saksi ni Jehova?
Sa libreng interactive program nga gina-offer sa mga Saksi ni Jehova, puwede nimong gamiton ang bisan unsang bersiyon sa Bibliya. Puwede nimong paapilon ang tibuok pamilya o mga amigo o amiga.
