Unsay Ilang Gituohan?
Unsay Ilang Gituohan?
ANG mga Saksi ni Jehova nagtuo sa Labing Gamhanang Diyos, si Jehova, ang Maglalalang sa mga langit ug sa yuta. Ang paglungtad lamang sa makuting pagkadisenyo nga kahibulongang mga butang sa uniberso nga naglibot kanato makataronganong nagpaila nga ang usa ka intelihente ug gamhanan kaayo nga Maglalalang maoy nagbuhat nianang tanan. Maingon nga ang mga buhat sa mga lalaki ug babaye nagbanaag sa ilang mga hiyas, mao man usab ang mga buhat ni Jehova nga Diyos. Giingnan kita sa Bibliya nga “ang iyang dili-makita nga mga hiyas . . . , tin-awng makita sukad sa paglalang sa kalibotan padayon, tungod kay kini sila maila pinaagi sa mga butang nga gihimo.” Dugang pa, nga walay tingog o mga pulong, “ang kalangitan nagapahayag sa himaya sa Diyos.”—Roma 1:20; Salmo 19:1-4.
Ang mga tawo dili maghulma ug mga sudlanan nga kulonon o maghimog mga telebisyon ug kompiyuter nga walay katuyoan. Ang yuta ug ang mga linalang niini nga mga tanom ug mananap mas kahibulongan pa. Ang gambalay sa lawas sa tawo uban sa trilyontrilyong selula niini dili nato masabtan—bisan ang utok nga atong gigamit sa paghunahuna kahibulongan kaayo nga dili nato matugkad! Kon ang mga tawo adunay katuyoan sa paggama sa ilang dili-kaayo hinungdanong mga imbento, tino nga si Jehova nga Diyos may katuyoan sa iyang katingalahang mga linalang! Ang Proverbio 16:4 nag-ingon nga aduna gayod siyay katuyoan: “Ang tanang butang gihimo ni Jehova alang sa iyang katuyoan.”
Adunay katuyoan si Jehova sa paghimo sa yuta, sumala sa iyang giingon sa unang tawhanong magtiayon: “Magmabungahon ug magdaghan kamo ug pun-a ang yuta . . . , pagabut-i ang mga isda sa dagat ug ang nagalupad nga mga linalang sa kalangitan ug ang matag buhing linalang nga nagalihok diha sa yuta.” (Genesis 1:28) Tungod kay sila misupak, kining maong magtiayon napakyas sa pagpuno sa yuta sa matarong nga mga pamilya nga mahigugmaong mag-atiman sa yuta ug sa mga tanom ug mananap niini. Apan ang ilang kapakyasan dili makapakyas sa katuyoan ni Jehova. Libolibo ka tuig sa ulahi, kini gisulat: ‘Ang Diyos, ang Mag-uumol sa yuta . . . , wala maglalang niini sa walay kapuslanan.’ Siya “nag-umol niini aron pagapuy-an.” Dili kini pagalaglagon, kondili “ang yuta magpabilin sa walay kataposan.” (Isaias 45:18; Ecclesiastes 1:4, The New English Bible) Ang katuyoan ni Jehova alang sa yuta mamatuman: “Ang akong kaugalingong laraw mobarog, ug ang tanang butang nga akong gikahimut-an akong pagabuhaton.”—Isaias 46:10.
Busa, ang mga Saksi ni Jehova nagtuo nga ang yuta magpabilin sa walay kataposan ug ang tanang tawo, buhi ug patay, nga mohaom sa katuyoan ni Jehova alang sa gipanindot, gipuy-an nga yuta mahimong mabuhi diha niana sa walay kataposan. Ang tanang tawo nakapanunod ug pagkadili-hingpit gikan kang Adan ug Eva, busa sila mga makasasala. (Roma 5:12) Giingnan kita sa Bibliya: “Ang suhol nga ginabayad sa sala mao ang kamatayon.” “Ang mga buhi nasayod nga sila mamatay; apan bahin sa mga patay, sila walay nahibaloan nga bisan unsa.” “Ang kalag nga makasala—kini mismo mamatay.” (Roma 6:23; Ecclesiastes 9:5; Ezequiel 18:4, 20) Nan sa unsang paagi mabuhi sila pag-usab aron sa pagpakig-ambit sa mga panalangin dinhi sa yuta? Pinaagi lamang sa halad lukat ni Kristo Jesus, kay siya miingon: “Ako ang pagkabanhaw ug ang kinabuhi. Siya nga magpasundayag ug pagtuo kanako, bisan siya mamatay, siya mabuhi.” “Ang tanan nga anaa sa handomanang mga lubnganan makadungog sa iyang tingog ug manggula.”—Juan 5:28, 29; 11:25; Mateo 20:28.
Sa unsang paagi kini mahitabo? Gipatin-aw kini diha sa “maayong balita sa gingharian,” nga gisugdan pagmantala ni Jesus sa dinhi pa siya sa yuta. (Mateo 4:17-23) Apan karon ang mga Saksi ni Jehova nagawali sa maayong balita sa linain gayod nga paagi.
[Chart sa panid 13]
KON UNSAY GITUOHAN SA MGA SAKSI NI JEHOVA
Pagtulon-an Kasulatanhong Katarongan
Ang Bibliya maoy Pulong 2 Tim. 3:16, 17;
sa Diyos ug maoy kamatuoran 2 Ped. 1:20, 21; Juan 17:17
Ang Bibliya mas kasaligan kay Mat. 15:3; Col. 2:8
sa tradisyon
Ang ngalan sa Diyos mao Sal. 83:18; Isa. 26:4; 42:8,
si Jehova AS; Ex. 6:3
Si Kristo mao ang Anak sa Mat. 3:17; Juan 8:42; 14:28; 20:17;
Diyos ug ubos Kaniya 1 Cor. 11:3; 15:28
Si Kristo mao ang una sa mga Col. 1:15; Pin. 3:14
linalang sa Diyos
Si Kristo namatay sa estaka, Gal. 3:13; Buh. 5:30
dili sa krus
Ang tawhanong kinabuhi ni Mat. 20:28;
Kristo gibayad ingong lukat 1 Tim. 2:5, 6;
alang sa masinugtanong 1 Ped. 2:24
katawhan
Ang bugtong halad ni Roma 6:10; Heb. 9:25-28
Kristo igo na
Si Kristo gibangon gikan sa mga 1 Ped. 3:18;
patay ingong imortal nga Roma 6:9;
espiritung persona Pin. 1:17, 18
Ang presensiya ni Kristo maoy Juan 14:19; Mat. 24:3;
sa espiritu 2 Cor. 5:16; Sal. 110:1, 2
Ania na kita sa ‘panahon sa Mat. 24:3-14; 2 Tim. 3:1-5;
kataposan’ Luc. 17:26-30
Ang Gingharian ubos kang Isa. 9:6, 7; 11:1-5;
Kristo magmando sa yuta Dan. 7:13, 14; Mat. 6:10
sa pagkamatarong ug pakigdait
Ang Gingharian magpahinabo Sal. 72:1-4;
ug maayong kahimtang sa Pin. 7:9, 10, 13-17; 21:3, 4
pagkinabuhi dinhi sa yuta
Ang yuta dili gayod laglagon Eccl. 1:4; Isa. 45:18;
o mawad-ag mga molupyo Sal. 78:69
Wagtangon sa Diyos ang Pin. 16:14, 16; Sof. 3:8;
presenteng sistema sa mga Dan. 2:44;
butang diha sa gubat Isa. 34:2; 55:10, 11
sa Armagedon
Ang mga daotan pagalaglagon Mat. 25:41-46; 2 Tes. 1:6-9
sa dayon
Ang mga tawo nga giuyonan Juan 3:16; 10:27, 28; 17:3;
sa Diyos makadawat ug Mar. 10:29, 30
kinabuhing dayon
Adunay usa lamang ka dalan Mat. 7:13, 14;
padulong sa kinabuhi Efe. 4:4, 5
Ang kamatayon sa tawo maoy Roma 5:12; 6:23
gumikan sa sala ni Adan
Ang kalag sa tawo mohunong Ezeq. 18:4; Eccl. 9:10;
paglungtad inigkamatay Sal. 6:5; 146:4; Juan 11:11-14
Ang impiyerno maoy komon nga Job 14:13, Dy;
lubnganan sa tawo Pin. 20:13, 14, AV (panaplin)
Ang paglaom alang sa mga patay 1 Cor. 15:20-22;
mao ang pagkabanhaw Juan 5:28, 29; 11:25, 26
Ang Adanikong kamatayon mohunong 1 Cor. 15:26, 54;
Usa ka gamayng panon lamang Luc. 12:32; Pin. 14:1, 3;
sa 144,000 ang moadto sa langit 1 Cor. 15:40-53; Pin. 5:9, 10
ug magmando uban ni Kristo
Ang 144,000 gipakatawo pag-usab 1 Ped. 1:23; Juan 3:3;
ingong espirituwal nga mga anak Pin. 7:3, 4
sa Diyos
Ang bag-ong pakigtugon gihimo Jer. 31:31;
uban sa espirituwal nga Israel Heb. 8:10-13
Ang kongregasyon ni Kristo Efe. 2:20; Isa. 28:16;
gitukod ibabaw kaniya mismo Mat. 21:42
Kinahanglang mag-ampo lamang Juan 14:6, 13, 14;
kang Jehova pinaagi kang Kristo 1 Tim. 2:5
Ang mga imahen kinahanglang Ex. 20:4, 5; Lev. 26:1;
dili gamiton sa pagsimba 1 Cor. 10:14; Sal. 115:4-8
Ang espiritismo kinahanglang Deut. 18:10-12; Gal. 5:19-21;
isalikway Lev. 19:31
Si Satanas mao ang dili-makitang 1 Juan 5:19; 2 Cor. 4:4;
magmamando sa kalibotan Juan 12:31
Ang usa ka Kristohanon kinahanglang 2 Cor. 6:14-17; 11:13-15;
dili makigbahin sa mga kalihokan sa Gal. 5:9; Deut. 7:1-5
panagtapo sa pagtuo
Ang usa ka Kristohanon Sant. 4:4; 1 Juan 2:15;
kinahanglang magpabilin nga Juan 15:19; 17:16
bulag sa kalibotan
Tumanon ang mga balaod sa Mat. 22:20, 21;
tawo nga dili kasukwahi sa 1 Ped. 2:12; 4:15
mga balaod sa Diyos
Ang pagpasulod ug dugo sa Gen. 9:3, 4;
lawas pinaagi sa baba o sa Lev. 17:14;
mga ugat maoy supak sa mga Buh. 15:28, 29
balaod sa Diyos
Ang mga balaod sa Bibliya 1 Cor. 6:9, 10; Heb. 13:4;
bahin sa moral kinahanglang 1 Tim. 3:2; Prov. 5:1-23
tumanon
Ang pagsaulog sa Igpapahulay Deut. 5:15; Ex. 31:13;
gisugo lamang sa Israel ug Roma 10:4; Gal. 4:9, 10;
natapos uban sa Moisesnong Col. 2:16, 17
Balaod
Ang usa ka klerong matang ug Mat. 23:8-12; 20:25-27;
ang linaing mga titulo Job 32:21, 22
dili angay
Ang tawo wala motungha pinaagi Isa. 45:12; Gen. 1:27;
sa ebolusyon kondili gilalang Mat. 19:4
Si Kristo naghatag ug panig-ingnan 1 Ped. 2:21; Heb. 10:7;
nga kinahanglang sundon diha sa Juan 4:34; 6:38
pag-alagad sa Diyos
Ang bawtismo pinaagi sa bug-os Mar. 1:9, 10; Juan 3:23;
nga paglusbog sa tubig nagsimbolo Buh. 19:4, 5
sa pagpahinungod
Ang mga Kristohanon andam Roma 10:10; Heb. 13:15;
nga mohatag ug publikong pamatuod Isa. 43:10-12
sa Kasulatanhong kamatuoran
[Hulagway sa panid 12]
YUTA . . . gilalang ni Jehova . . . atimanon sa tawo . . . pagapuy-an sa walay kataposan
