Makaiikag nga Report sa Miaging Tuig
NAGKAGUBOT ang kalibotan ni Satanas, pero ang mga alagad ni Jehova padayong nagkugi sa buluhaton sa Ginoo. (1 Cor. 15:58) Ang mosunod nga mga report maghisgot kon giunsa pagpakita sa mga Saksi ni Jehova sa tibuok kalibotan ang ilang pagsalig kang Jehova, pagbuhat ug maayo, ug pagkamatinumanon.—Sal. 37:3.
Pagbalhin sa Tibuok Kalibotang Hedkuwarter ug sa Sangang Buhatan
Niadtong Pebrero 1, 2016, nahuman ang gihimong konstruksiyon sa gipadak-ang mga pasilidad sa Wallkill, New York. Tungod niini, gibalhin na didto ang opisina sa Komite sa Sangang Buhatan sa United States, ang Service Department, ug ang uban pang departamento sa sangang buhatan sa United States. Hapit na sab mahuman ang gitukod nga bag-ong hedkuwarter sa Warwick. Busa ang pamilyang Bethel sa Brooklyn nagsugod nag pamalhin gikan sa New York City ngadto sa Warwick.
Sa Lunes, Abril 3, 2017, ang tibuok kalibotang hedkuwarter sa Warwick bukas na alang sa tour. Dunay self-guided tour diin maadtoan sa mga bisita ang tulo ka eksibit nga silasila ra. Duna poy tour nga ubanan silag tour guide.
-
“The Bible and the Divine Name” Kini dunay displey sa karaan ug talagsaong mga Bibliya, ug nagpasiugda nga ang ngalan sa Diyos makita gyod sa Kasulatan.
-
“A People for Jehovah’s Name” Gipakita niini ang kasaysayan sa espirituwal nga panulondon sa mga Saksi ni Jehova—kon sa unsang paagi si Jehova anam-anam nga naggiya, nagtudlo, ug nag-organisar sa iyang katawhan sa pagbuhat sa iyang kabubut-on.
-
“World Headquarters—Faith in Action” Kini maoy makalingawng eksibit nga naghisgot kon unsay ginahimo sa mga komite sa Nagamandong Lawas aron matabangan ang katawhan ni Jehova sa pagtambong sa mga tigom, paghimog mga tinun-an, pagpahimulos sa espirituwal nga pagkaon, ug sa pagpakitag gugma sa usag usa.
Ang eskedyul sa self-guided tour maoy Lunes hangtod Biyernes, 8:00 sa buntag hangtod 4:00 sa hapon. Duna poy 20 minutos nga guided tour sa pipila ka seksiyon sa Offices/Services Building ug sa mga landscape sa Bethel. Ang eskedyul niini nga tour maoy Lunes hangtod Biyernes, 8:00 hangtod 11:00 sa buntag ug 1:00 hangtod 4:00 sa hapon.
Sa dili pa mobisita, palihog ablihi ang jw.org/ceb ug tan-awa ang BAHIN KANAMO > MGA OPISINA UG TOUR > United States.
NIINI NGA SEKSIYON
Gihatagag Prayoridad ang Tibuok Kalibotang Pagsangyaw
Unsay gihimo sa kanhing mga membro sa pamilyang Bethel aron maka-adjust sa ilang bag-ong asaynment?
“Maayo Kaayo Mo nga Silingan”
Niadtong Mayo 7 ug 8, 2016, dunay open house nga nagdispley sa karaang mga Bibliya. Kadto nakahatag ug maayong pamatuod sa mga silingan sa Brooklyn Bethel.
Bag-ong Tigom nga Atong Kristohanong Kinabuhi ug Ministeryo
Niadtong Enero 2016, nausab ang format sa midweek nga tigom sa mga kongregasyon sa tibuok kalibotan.
“Napalig-on ug Nadasig Gyod Mi” sa JW Broadcasting
Gisugdan ang JW Broadcasting niadtong 2014 ug karon matan-aw na ni sa kapig 90 ka pinulongan. Unsay reaksiyon sa mga nakatan-aw niini?
Dedikasyon sa mga Sangang Buhatan
Ang dedikasyon sa bag-ong mga pasilidad sa sangang buhatan sa Kyrgyzstan ug Armenia maoy makapalipayng kalamposan sa mga alagad ni Jehova.
2016 Legal nga Report
Unsang legal nga mga isyu ang giatubang sa mga Saksi sa 2016?
Mga Balita Gikan sa Lainlaing Nasod
Balita bahin sa kalihokan sa mga Saksi ni Jehova sa Argentina, Belize, Burundi, Congo (Kinshasa), Germany, Italy, Nepal, Papua New Guinea, ug Uganda.
