Naa sa Pulong sa Diyos ang tanan natong gikinahanglan aron masagubang ang mga pagsulay niining kataposang mga adlaw. (2Ti 3:1, 16, 17) Pero usahay nagkinahanglan tag tabang sa pagpangitag mga prinsipyo sa Bibliya nga mapadapat sa usa ka espesipikong situwasyon. Pananglitan, ginikanan ba ka nga nangitag tambag bahin sa pagpadakog mga anak? Tin-edyer ba ka nga nag-atubang ug mga pagsulay sa imong pagtuo? Namatyan ba kag kapikas? Makakita kag impormasyon sa jw.org nga naay espesipikong mga prinsipyo sa Bibliya nga makatabang nimo sa pag-atubang sa lainlaing situwasyon.​—Pr 2:3-6.

Sa home page sa jw.org, i-tap ang GITUDLO SA BIBLIYA nga tab. (Tan-awa ang picture 1.) Sa drop-down list, pilia ang kategoriya nga imong gusto. O i-tap ang LIBRARYA > SERYE SA MGA ARTIKULO ug pagpilig kategoriya nga imong gusto. (Tan-awa ang picture 2.) Kini nga mga kategoriya naa pod sa JW Library^®. * Basin mag-enjoy ka sa pag-browse sa mga artikulo. Kon naa kay espesipikong topiko nga gipangita, puwede pod nimo ning i-type sa search box sa jw.org.

I-type sa search box ang mosunod nga mga topiko, ug ilista ang mga artikulo nga gusto nimong basahon.

• Pagpadakog mga anak

• Depresyon sa mga tin-edyer

• Namatyag kapikas