Isaias 61:1-11
61 Ang espiritu sa Soberanong Ginoong Jehova ania kanako,+Kay si Jehova nagdihog kanako sa pagpahayag sa maayong balita ngadto sa maaghop.*+
Gipadala ko niya sa pag-ayo* sa dugmok ug kasingkasing,Sa pagmantala sa kagawasan sa mga binihagUg sa pagpabuka pag-ayo sa mga mata sa mga binilanggo,+
2 Sa pagmantala sa tuig sa pagkamaayo* ni JehovaUg sa adlaw sa panimalos sa atong Diyos,+Sa paghupay sa tanang nagbangotan,+
3 Sa pagtagana alang niadtong nagbangotan labot sa Zion,Sa paghatag kanilag purongpurong imbes abo,Lana sa kasadya imbes pagbangotan,Kupo sa pagdayeg imbes masulub-ong espiritu.
Ug sila pagatawgong dagkong kahoy sa pagkamatarong,Ang tinanom ni Jehova, aron siya mahimaya.*+
4 Tukoron nila pag-usab ang karaang mga kagun-oban;Patindogon nila ang biniyaang mga dapit sa kanhing panahon,+Ug ipasig-uli nila ang nagun-ob nga mga siyudad,+Ang mga dapit nga biniyaan sulod sa sunodsunod nga kaliwatan.+
5 “Ang mga estranyo motindog ug magbantay sa inyong mga panon sa kahayopan,Ug ang mga langyaw+ mahimong inyong mga mag-uuma ug mga tig-atiman sa ubasan.+
6 Kon bahin kaninyo, kamo pagatawgong mga saserdote ni Jehova;+Tawgon mo nilang mga alagad sa atong Diyos.
Mokaon mo sa kahinguhaan sa kanasoran,+Ug ipasigarbo ninyo ang ilang himaya.*
7 Imbes kaulawan makabaton mog dobleng bahin,Ug imbes ipaubos mosinggit sila sa kalipay tungod sa ilang bahin.
Oo, makapanag-iya silag dobleng bahin sa ilang yuta.+
Matagamtam nila ang walay kataposang kasadya.+
8 Kay ako, si Jehova, nahigugma sa hustisya;+Gidumtan nako ang pagpanulis ug pagkadili-matarong.+
Matinumanon nakong ihatag kanila ang ilang suhol,Ug maghimo kog walay kataposang pakigsaad uban kanila.+
9 Ang ilang kaliwat* mailhan taliwala sa kanasoran+Ug ang ilang kaliwatan taliwala sa mga katawhan.
Ang tanan nga makakita kanila makaila kanila,Nga sila ang kaliwat* nga gipanalanginan ni Jehova.”+
10 Ako magsadya gayod diha kang Jehova.
Ang akong tibuok pagkatawo magkalipay diha sa akong Diyos.+
Kay gisul-oban ko niya sa mga besti sa kaluwasan;+Giputos ko niya sa taas nga besti* sa pagkamatarong,Samag pamanhonon nga nagsul-ob ug turban nga sama nianang sa saserdote,+Ug samag pangasaw-onon nga nagdayandayan sa iyang kaugalingon sa iyang mga pahiyas.
11 Kay sama nga ang yuta magpatungha sa mga turok niiniUg ang tanaman magpaturok sa kon unsay gipugas diha niini,Ipahinabo usab sa Soberanong Ginoong JehovaNga ang pagkamatarong+ ug pagdayeg moturok+ atubangan sa tanang kanasoran.
Mga Footnote
^ Literal, “pagbugkos.”
^ O “mapainubsanon.”
^ O “pag-uyon.”
^ O “mapatahom.”
^ O “bahandi.”
^ Literal, “binhi.”
^ Literal, “binhi.”
^ O “besti nga walay bukton.”
