Isaias 53:1-12
53 Kinsay mituo sa mga butang nga among gisulti?*+
Ug kon bahin sa bukton ni Jehova,+ kang kinsa kini gipadayag?+
2 Siya moturok samag gamayng sanga+ atubangan niya,* samag gamot sa umaw nga yuta.
Dili siya dungganon ug halangdon tan-awon;+Ug dihang makita namo siya, ang iyang panagway dili makapadani kanamo.*
3 Siya gitamay ug gilikayan sa mga tawo.+
Usa siya ka tawo nga alang* sa mga kasakit ug sinati sa sakit.
Daw gitago ang iyang nawong gikan kanamo.*
Siya gitamay, ug giisip namo siya nga walay hinungdan.+
4 Sa pagkatinuod gidala niya ang among mga sakit,+Ug gipas-an niya ang among mga kasakit.+
Apan giisip namo nga siya gihampak, gibunalan, ug gisakit sa Diyos.
5 Apan siya giduslak+ tungod sa among kalapasan;+Siya gipaantos pag-ayo tungod sa among mga kasaypanan.+
Gipas-an niya ang silot alang sa among kalinaw,+Ug tungod sa iyang mga samad kami naayo.+
6 Samag mga karnero kaming tanan nahisalaag,+Ang matag usa miliso sa iyang kaugalingong dalan,Ug gipahinabo ni Jehova nga pas-anon niya ang tanan namong sala.+
7 Siya gidaogdaog+ ug gitugotan niya nga sakiton siya,+Apan wala niya bukha ang iyang baba.
Sama siyag karnero nga gidala sa ihawanan,+Samag bayeng karnero nga naghilom lang atubangan sa mga tig-alot niini,Ug wala niya bukha ang iyang baba.+
8 Siya gidaogdaog ug gidala nga hinikawan sa hustisya;Ug kinsa may magtagad sa mga detalye sa iyang kaliwatan?*
Kay siya giwagtang gikan sa yuta sa mga buhi;+Tungod sa kalapasan sa akong katawhan siya gihampak.*+
9 Ug siya gihatagag lubnganan* taliwala sa mga daotan+Ug taliwala sa mga dato* dihang siya namatay,+Bisag wala siya makabuhat ug sayop*Ug walay panglimbong sa iyang baba.+
10 Apan kabubut-on* ni Jehova nga paantoson siya pag-ayo, ug gitugotan niya nga siya mag-antos.
Kon imong itanyag ang iyang kinabuhi ingong halad sa pagkasad-an,+Makita niya ang iyang kaliwat,* lugwayan niya ang iyang mga adlaw,+Ug pinaagi kaniya ang kalipay* ni Jehova matuman.+
11 Tungod sa iyang pag-antos, siya malipay sa iyang makita.
Pinaagi sa iyang kahibalo ang matarong, ang akong alagad,+Motabang sa daghang tawo nga makabaton ug matarong nga baroganan,+Ug pas-anon niya ang ilang kasaypanan.+
12 Tungod niana hatagan nako siyag bahin uban sa daghan,Ug bahinbahinon niya ang inagaw uban sa mga gamhanan,Kay gihatag niya ang iyang kinabuhi bisan hangtod sa kamatayon+Ug giisip siya nga usa sa mga malapason;+Gipas-an niya ang sala sa daghang tawo,+Ug nagpataliwala siya alang sa mga malapason.+
Mga Footnote
^ O posible, “sa among nadungog?”
^ Ang “niya” mahimong nagtumong sa usa ka tumatan-aw o sa Diyos.
^ O “wala siyay linaing hitsura nga tungod niana tinguhaon namo siya.”
^ O “nakasabot.”
^ O posible, “Nahisama siya sa usa nga gitalikdan sa mga tawo.”
^ O “iyang paagi sa pagkinabuhi?”
^ O “gipatay pinaagig hampak.”
^ O “Ug may usa nga maghatag kaniyag lubnganan.”
^ Literal, “sa datong tawo.”
^ O “kapintasan.”
^ O “kabubut-on; gikahimut-an.”
^ Literal, “binhi.”
^ O “kalipay.”
