Deuteronomio 33:1-29
33 Karon kini ang panalangin nga gisulti ni Moises, nga tawo sa matuod nga Diyos, ngadto sa mga Israelinhon sa wala pa siya mamatay.+
2 Siya miingon:
“Si Jehova miabot gikan sa Sinai,+Ug siya midan-ag kanila gikan sa Seir.
Siya misidlak nga mahimayaon gikan sa kabukiran sa Paran,+Ug kauban niya ang balaang mga panon;*+Sa iyang tuong kamot naa ang iyang mga manggugubat.+
3 Gimahal niya ang iyang katawhan;+Ang tanan nilang balaan naa sa imong kamot.+
Sila naglingkod sa imong tiilan;+Sila naminaw sa imong mga pulong.+
4 (Gihatagan ta ni Moises ug balaod+Nga gipanag-iya sa kongregasyon* ni Jacob.)+
5 Ug Siya nahimong hari sa Jesurun*+Dihang nagtigom ang mga pangulo sa katawhan+Uban ang tanang tribo sa Israel.+
6 Hinaot si Ruben padayong mabuhi ug dili mamatay,+Ug dili unta modiyutay ang iyang mga tawo.”+
7 Ug gisulti niya kini nga panalangin kang Juda:+
“Oh Jehova, paminawa si Juda,+Ug ibalik unta nimo siya sa iyang katawhan.
Gipanalipdan sa iyang mga bukton kon unsay iyaha,Ug tabangan unta nimo siya batok sa iyang mga kaaway.”+
8 Bahin kang Levi siya miingon:+
“Ang imong* Tumim ug ang imong Urim+ iya sa tawong maunongon kanimo,+Nga imong gisulayan didto sa Masah.+
Ikaw nakiglalis kaniya sa tubig sa Meriba,+
9 Sa tawo nga wala magtagad sa iyang amahan ug inahan.
Bisan ang iyang mga igsoon wala niya ilha,+Ug gibalewala niya ang iyang mga anak.
Kay ilang gisunod ang imong pulongUg gituman ang imong pakigsaad.+
10 Tudloan nila si Jacob sa imong hudisyal nga mga hukom+Ug ang Israel sa imong Balaod.+
Magtanyag silag insenso nga ang kahumot makapalipay kanimo*+Ug tibuok nga halad diha sa imong halaran.+
11 Oh Jehova, panalangini ang iyang kusog,Ug malipay unta ka sa buhat sa iyang mga kamot.
Dugmoka ang paa* niadtong makig-away niya,Aron dili na makatindog kadtong nagdumot niya.”
12 Bahin kang Benjamin siya miingon:+
“Magpuyo unta sa kasegurohan ang minahal ni Jehova tapad niya;Samtang iyang ampingan siya sa tibuok adlaw,Magpuyo siya taliwala sa iyang mga abaga.”
13 Bahin kang Jose siya miingon:+
“Hinaot panalanginan ni Jehova ang iyang yuta+Pinaagi sa maayong mga butang sa langit,Pinaagi sa yamog ug sa tubig nga gikan sa ilalom sa yuta,+
14 Pinaagi sa maayong mga butang nga gipatubo sa adlawUg sa maayong mga abot kada bulan,+
15 Pinaagi sa kinamaayohang mga butang gikan sa karaang kabukiran*+Ug sa maayong mga butang sa kabungtoran nga magpabilin hangtod sa hangtod,
16 Pinaagi sa maayong mga butang sa yuta ug sa tanang naa niini,+Ug pinaagi sa pag-uyon sa Usa nga nagpakita sa tunokong tanom.+
Modangat unta kini sa ulo ni Jose,Sa alimpulo sa usa nga gilain gikan sa iyang mga igsoon.+
17 Ang iyang kusog sama nianang sa panganay nga torong baka,Ug ang iyang mga sungay maoy mga sungay sa ihalas nga torong baka.
Pinaagi niini iyang itulod* ang mga katawhan,Ang tanan ngadto sa kinatumyan sa yuta.
Sila ang tinagpulo ka libo ni Epraim,+Ug ang linibo ni Manases.”
18 Bahin kang Zabulon siya miingon:+
“Oh Zabulon, paglipay sa imong paggawas,Ug ikaw, Isacar, sa imong mga tolda.+
19 Tawgon nila ang mga katawhan ngadto sa bukid.
Magtanyag sila didto ug mga halad sa pagkamatarong.
Kay manguha* sila sa daghang bahandi sa kadagatanUg sa tinagong mga bahandi sa balas.”
20 Bahin kang Gad siya miingon:+
“Bulahan siya nga nagpadako sa mga utlanan ni Gad.+
Sama siyag leyon nga nag-atang didto,Nga andam mokuniskunis sa bukton ug sa ulo sa iyang biktima.
21 Siyay mokuha sa unang bahin,+Kay kini ang gitagana kaniya sa tighatag ug balaod.+
Ang mga pangulo sa katawhan magtigom.
Iyang ipatuman ang pagkamatarong ni JehovaUg ang hudisyal nga mga hukom diha sa Israel.”
22 Bahin kang Dan siya miingon:+
“Si Dan usa ka nating leyon.+
Siya molukso gikan sa Basan.”+
23 Bahin kang Neptali siya miingon:+
“Si Neptali giuyonan pag-ayoUg buhong sa panalangin ni Jehova.
Panag-iyaha ang yuta sa kasadpan ug sa habagatan.”
24 Bahin kang Aser siya miingon:+
“Si Aser panalanginan ug mga anak.
Hinaot paboran siya sa iyang mga igsoon,Ug ituslob* unta niya sa lana ang iyang mga tiil.
25 Puthaw ug tumbaga ang imong mga trangka sa ganghaan,+Ug magmalinawon ka sa tanan nimong adlaw.*
26 Walay sama sa matuod nga Diyos+ ni Jesurun,+Kinsa naglatas sa langit sa pagtabang kanimoUg nagsakay sa panganod sa iyang kahalangdon.+
27 Ang Diyos maoy dangpanan sukad pa sa karaang panahon,+Ang iyang mga bukton nga magpabilin hangtod sa hangtod magsapnay kanimo.+
Abogon niya sa imong atubangan ang kaaway,+Ug siya moingon, ‘Laglaga sila!’+
28 Ang Israel magpuyo sa kasegurohan,Ug ang mga kaliwat* ni Jacob magmalinawonSa yuta nga abunda sa lugas ug bag-ong bino,+Diin ang langit magpatulo ug yamog.+
29 Malipayon ka, Oh Israel!+
Kinsa ang sama nimo,+Katawhan nga ginaluwas ni Jehova,+Nga mao ang imong taming+Ug ang imong gamhanang espada?
Ang imong mga kaaway mohapa sa imong atubangan,+Ug tamakan nimo ang ilang likod.”*
Mga Footnote
^ O “ang tinagpulo ka libo nga mga balaan.”
^ Kahulogan, “Usa nga Matul-id.” Halangdon nga titulo sa Israel.
^ Niining bersikuloha ang “imong,” “kanimo,” ug “ikaw” nagtumong sa Diyos.
^ Literal, “sa imong ilong.”
^ O “bat-ang.”
^ O posible, “kabukiran sa sidlakan.”
^ O “sungayon.”
^ Literal, “mosupsop.”
^ O “hugasan.”
^ Literal, “Ug ang imong kusog mahisama sa imong mga adlaw.”
^ Literal, “tuboran.”
^ O posible, “tag-as nga dapit.”
