Saam 114:1-8
114 Wen di Izrelait dehn lef Eejip,Yes, wen Jaykob disendant dehn lef di lan wehpaat di peepl mi taak wahn difrent langwij,
2 Jooda en op fi bee Gaad hoali plays,An Izrel en op fi bee di lan weh hihn rool oava.
3 Di see mi si di peepl di kohn, soh ih jraa bak.
Ahn di Jaadn Riva mi stap floa.
4 Di mongtin dehn mi skip ahn jomp laik wahn ram,Ahn di hil dehn mi skip ahn jomp laik wahn lam.
5 Oa see, da wai yu mi jraa bak?
Oa Jaadn, da wai yu mi stap floa?
6 Tu di mongtin dehn, wai unu mi jomp ahn skip rong laik wahn ram?
Tu di hil dehn, wai unu mi jomp ahn skip rong laik wahn lam?
7 Di ert mos chrimbl sayka di Laad,An ih mos chrimbl sayka Jaykob Gaad,
8 Di wan weh mi mek wahn pool a waata kom owta di rak,Di wan weh mi mek waata floa owta wahn haad rak.
