NSI neta miegte bʼa mfen ndjoṅ mbuʼ ndjù fa. Yôg be, sénni mba ndùmandjem yiʼtʼà num i. A ghù mbàʼ netshoʼ mfàʼ mebwô mbà netem ntsha tu mènntùn. A ghù mbàʼ nefà yôg mbèn nghù mbàʼ nekwé yôg. A bem be mbà be àʼ zi ndjôge. A ne mbe ke bem be mbʼàʼ zi nèn kebwô num be. A bʼà ju ndùb num nedieg mbe à bem zebe matneghemtʼé!

Benntùn num nghemte ntùm mànndze yàme. A be ze matneghemte be mbà tàʼ mànndze là, ndù mba Nsi bem ndjoṅ ndàghemte fa ke? Nga, a keʼ bem. Yésu, ngatshob Nsi mi ndemndjù, lo làʼte mbe mànndze bʼa ndàʼ bàà. A lo tshob mbe “mànndze ndùb bèn mbe mànndze ze bo num ntshùà num bwe nèn mbi là; mbeʼyàm benntùn ke ntshùa à bwe; mbe ndù ndzendà nefèt nekeg mba mànndze ke nèn à ntùm yôg; là, ndàʼ bon ndô benntùn bèn nke ntshùa bwe.”​—Matio 7:13, 14.

Matneghemte bʼa ndàʼ bàà: ze bo num ntshùa ndjem bwe nkwé yôg matmat là, mbèn nghù ze bo num ntshùa ndjem bwe mbi yôg là. Ju zʼa ghù kà bo nkhite sen metshit buʼ ṅwàʼni li là bʼa neloʼ ndjwimtʼo yi ndù o fon mànndze nezin num bwe nkwé yôg matmat.