Adam bo Eva lo ghù bônkeʼ, benntùn yàm num nsitshaʼa. Yen ngelañ nà, tsemoʼ angél tam njam Satan ntùm ze tatu.

Bo naʼ loʼ mbab wùd seʼ num nsitshaʼa, ndoʼ ngonngon tsʼa bwô yub là. Bo a bo naʼ tamde mbwe nsansa bon, bo ke tshùag mbèn ghù neta neshu.

Njù naʼ dun ghaghù nukebwô. Ñwaʼni Nsi mbe “nukebwô mènntùn lo yàm num nsitshaʼa, nkwadenu ntù i nke mbe be mi kebwô njoñ ndù fa.”

Noa naʼ bʼa mèn mebwô. Yaweh Nsi naʼ tshob Noa mbe aʼ biagde tshùagket benntùn bo dibambañ.

Nsi mbèn tshob Noa mbe a nkom sitima, num ne yôg ze tunndà bo nzwit njoñ nyàm fà.

Noa naʼ soñ benntùn nu mfà num dibambañ, ndaʼndù bo ke juʼ yi. Benntùn lo ke nzwi i; tsemoʼ ke mbàn i.

Ngelañ a miagde ne kut sitima là, Noa tsho bo a ba nyàm ntùm mbwe.