BAG I 15
Yésu bʼa we?
Yésu bʼa taʼ mèn ndùb ntùm tshô njù. Ndaʼndù, ndo num lén se, mbeʼyàm benntùn keʼ be lèn tshu yàm mfà num i, benntùn ghù nkwade nzenze mfà num mèn Yésu be yi là. Ke ze Ñwaʼni Nsi tshwèt ntshob mfà num i à?
1. Yésu bʼa we?
Yésu bʼa taʼ ywèt zʼa ghù neta mbèn nke ntswe mve kamànyam nà. Yaweh Nsi bwôgmbwe mbom i kà mbom mba zit ju lo. A ju zʼa ghù bo nke ntsiañ i “tuswe num njoñ tshu fa tse Nsi nabte là.” (Kolosé 1:15) Yésu bʼa “nkwi Mén” Nsi, nummbe Yésu bʼa tùʼ i ze Yaweh Nsi bèn mbom i ke tôg njam mènntùn nà. (Yohané 3:16) Yésu faʼ ku ntshùʼ bo tàab, Yaweh Nsi, njwimdʼé nebom njoñ tshu fa. (Siañ Tànkùt 8:30.) Yésu tshwèt nèn mbwe nejù bin taʼ mbwô kushun bo Yaweh Nsi. A be mfaʼ mba ngatshob “ntshob Nsi,” nke ntswi nkùn bo ba ntshùʼ a fe Yaweh Nsi là.—Yohané 1:14.
2. Numke Yésu naʼ nseʼ num nsitshaʼ à?
A nguan nguʼ 2 000 li, mba Yaweh Nsi loʼ ywèt nelàn ngù taʼ mesim yi, ntshag yôg Yésu ntùm bam taʼ ménngon lén se Maria là, ndùlala bo bwe Yésu mba taʼ mèn nyiañtu là. (Siañ Lukas 1:34, 35.) Yésu naʼ seʼ num nsitshaʼa mba Mésia ke Kristô lo num netshuʼ benntùn nyiañtu. * Njoñ ntshob ndamnjù fa tse Ñwaʼni Nsi naʼ ntshob mfà num Mésia là dunde num i, ndùlala, benntùn naʼ kuʼni neyen mbe Yésu bʼa “Kristô, Mén Nsi zʼa be ntùn nà.”—Matio 16:16.
3. Yésu bʼa yà ndonni à?
Ngelañ Yésu miagde yôg se num nsitshaʼ là, bo bùʼ i num vù mba taʼ ywèt là, a bèn kamànyam. A naʼ kum kamànyam, “Nsi bùʼdʼé tù.” (Filipi 2:9) Ndonni, Yésu ghù mbaʼ ndùb, a ndaʼ Yaweh Nsi bèn ngù mbaʼ ntshùa i.
TSWEʼ NTUN MI
Tsweʼ ntun njen kuaʼ mèn Yésu be yi là mbèn njen ju zʼa ghù a mbe ju ndùb neziʼde nelèn i là.
4. Yésu keʼ bʼa Nsi Nganeta ntshùade
Ñwaʼni Nsi tshwèt ntswide mbe, mba tà ndù Yésu bʼa taʼ ywèt zʼa ghù mbaʼ ndùb mve kamànyam nà, a num njuʼni tàab, Yaweh Nsi. Be kuʼni netshob yennà à numke? Lôde LAʼDE NETSHAÑ neyen ju ze Ñwaʼni Nsi tshwèt ntswide mfà num dùʼ ze Yésu ghù mbwe Nsi Nganeta ntshùade là.
Ba nka Ñwaʼni Nsi li tshwèt njwimde ben neyen bade a be netèt Yaweh Nsi bo Yésu là. Siañ mba zit nka lo, mbèn mbùnde tshen mbètte li:
Siañ Lukas 1:30-32.
-
Angél naʼ laʼde bade a be netèt Yésu bo Yaweh Nsi “Tshùayaʼ Tshùaben” à ndùke?
Siañ Matio 3:16, 17.
-
Ngelañ Yésu ghù nyuʼntse là, nze a naʼ mfe kamànyam nà naʼ ntshob à mbe ke?
-
O kwade mbʼa naʼ bʼa nze we?
Siañ Yohané 14:28.
-
We zʼa be mèn ndùb mbèn ngù ngùʼ ntshùa moʼ à? Tà ke mén à?
-
Yésu tsiañ Yaweh Nsi mbe Tà, yennà nke ntswide ben à ke?
Siañ Yohané 12:49.
-
Yésu naʼ yà toʼ kwade mbe yi bo ze baba bʼa mèn ntshùʼ ké? Ke zʼo kwade yu à?
5. Tshu tsʼa nke ndaʼde mbe Yésu bʼa Mésia là
Ñwaʼni Nsi ghù mbeʼyàm ntshob ndàmnjù tsʼa naʼ mbe aʼ ywimde benntùn nelèn mèn ze Mésia be yi là—Mèn ze Nsi tshoʼ num netshuʼ benntùn nyiañtu là. Lôde LAʼDE NETSHAÑ zʼa tshwèt ndaʼde tsemoʼ ntshob ndamnjù tse Yésu naʼ ndunde ngelañ a seʼ num nsitshaʼ là.
Siañ tshen ntshob ndamnjù Ñwaʼni Nsi li, mbèn mbùnde tshen mbètte li:
Siañ Mika 5:2 neyen dùʼ zʼa naʼ mbe boaʼ bwe Mésia bwe là. *
-
Yen ntshob ndamnjù là naʼ dunde ké?—Matio 2:1.
Siañ Yobkwi 34:20 bo Sakaria 12:10 neyen ju ze Ñwaʼni Nsi naʼ nsoñ num vù Mésia là.
-
Tshen ntshob ndamnjù là naʼ dunde ké?—Yohané 19:33-37.
-
O kwade mbe Yésu naʼ kagtùn ze tu nedunde men ntshob ndamnjù là ké?
-
A nke ntswidʼo à ke mfà num Yésu à?
6. Be num njù bin neziʼde nelèn Yésu
Ñwaʼni Nsi tshwèt ntshob ben mbʼa ba ju ndùb neziʼde nelèn Yésu mbèn ndèn faʼ ze Yaweh Nsi fà yi là. Siañ Yohané 14:6 bo 17:3, mbèn mbùnde yen bètte li:
-
Numke a mbʼa ju ndùb neziʼde nelèn Yésu à?
Yésu ghaʼ manze nebe nshun Yaweh Nsi. A tswide nenùn mfà num Yaweh Nsi, a bèn ntshùade njam i, bag bin kuʼni nejù bin yôg matmat
TSEMOʼ BENNTÙN NUM NTSHOB MBE: “Ghakwénta Yaweh Nsi keʼ be bam Yésu.”
-
O kuʼni nebùndʼà ndùke?
JU NETSHÙBE
Yésu bʼa taʼ angél zʼa ghù neta là. A bʼa Mén Nsi, mbèn mbe Mésia.
Mbètte nekwimde
-
Numke bo nke ntsiañ Yésu mbe, “tuswe num njoñ tshu fa tse Nsi nabte là” à?
-
Ke ze Yésu naʼ nke ngù kà zi nseʼ num nsitshaʼ à?
-
Be lèn à ndùke mbe Yésu bʼa Mésia à?
DIAGE
Ziʼde ju zʼa ghù be lèn ke magde mbe Yésu bʼa Mésia là.
“Les prophéties messianiques prouvent-elles que Jésus était le Messie?” (Ñwaʼni num jw.org)
Diag njen a be ze Ñwaʼni Nsi tshwèt ntswide mbe Nsi naʼ mbwe Yésu à ndañndañ mba benntùn nyiañtu num mbwe bon tshob là.
“Pourquoi Jésus est-il appelé le Fils de Dieu?” (Ñwaʼni num jw.org)
Yen ju zʼa ghù ntswide ‘nsi tu tatʼ ke fe à Ñwaʼni Nsi là.
Yen mba yôg taʼ mènnzwi bade ngelañ a ziʼde ju ze Ñwaʼni Nsi tshwèt ntswide mfà num Yésu là.
“Une femme juive explique pourquoi elle a remis sa foi en question” (Réveillez-vous !, mai 2013)
^ Bag i 26 bo 27 aʼ laʼde ju zʼa naʼ ngù a bètte bo tshuʼ benntùn nyiañtu, mbèn njen mba Yésu ghù yennà là.
^ Lôde kide tun fe mbatte 2 neyen ntshob ndamnjù Ñwaʼni Nsi zʼa naʼ nsoñ kuaʼ ngelañ Mésia naʼ nseʼ num nsitshaʼ là.
