1. Nummbe Yaweh Nsi bèn nabte

Tshu fa ntùm njù sagkuà,

nsitshaʼ mba kamànyam bʼa tse,

A bʼa mbu faʼ Nsi ndùb.

A fà zwiag, yôg, njoñ tshu ntùn fa

Mbèn ndaʼde njoñ ben fa

Mbʼa kuʼni nebéb bag bin nyàmdʼé

Mbèn mbéb mbe bag bin ghamdʼé.

2. Yésu naʼ bam neghù nyuʼntse

Nedunde nu ndañndañ.

Ntùm leʼde a naʼ tshob Nsi ndùb:

“Me seʼ ghù yu nekô.”

Ngelañ a naʼ ntum ntùm Yordan

Mba Mén Nsi bo yoʼ là,

Juʼ ntshu naʼ ntèn i a leʼde Nsi:

“Tà, fañ yu nekô bumde.”

3. Bag seʼ ntsin mbwe o Yaweh Nsi

nyàmde lén so se ndùb.

Bag fà wut nsi, nga tu wut tshag,

Mbèn mfà yôg sag wù Tà.

O fà nkwi Mén o netshuʼ yag

A bam nefà yôg se.

Bag keʼ bèn neghù à yag nekô,

Num o bag aʼ yôg mbèn nkwù.