KWI 151
A nsi tsiañe
-
1. Yôg mèn bʼa ke, memeʼ be nziag nke nzwim,
A ju ndùʼa keʼ be ghubte.
Ju ze be be kuʼni nebade nde,
Mfañ dùʼ ntsenyà bo zwentù.
Mèn zʼa nô nsi nkwù, kuʼni nelo ké?
Juʼ nkaʼni ze Nsi fà là:
(DÙʼ NEBWÔGDE)
A nsi tsiañ; ba fe ben bùnde.
Njuʼ ntshu i mbèn njam ntùm yôg.
Nummbe Yaweh tshwèt nkù ntù
Neyen faʼ mbu mi faʼ là.
Ghù bamntù, kà tshàm, ke lab wut,
Zebe Nsi aʼ bùʼ ben nsi.
Bag bin aʼ ghù yôg matmat,
Mba mbu faʼ tumnsi ntse yôg.
-
2. Shun zebe Nsi, kuʼni nenô nsi nzi,
Là, Tà be ke lagde yub.
Ben bo tshwèt nzi ntùm nkwade zebe Nsi,
nsi juʼ nze i ndo num vù.
Là bag bin aʼ yen fuʼ ze Nsi aʼ fà:
Paradis, yôg ntùn ke ndù.
(DÙʼ NEBWÔGDE)
A nsi tsiañ; ba fe ben bùnde.
Njuʼ ntshu i mbèn njam ntùm yôg.
Nummbe Yaweh tshwèt nkù ntù
Neyen faʼ mbu mi faʼ là.
Ghù bamntù, kà tshàm, ke lab wut,
Zebe Nsi aʼ bùʼ ben nsi.
Bag bin aʼ ghù yôg matmat,
Mba mbu faʼ tumnsi ntse yôg.
(Mbèn ndôde Yoha. 6:40; 11:11, 43; Yako. 4:14.)
