1. Nyàmde Yaweh, Nsi ntamde,

Mbèn mbe Nsi fide.

A nsi tsin tù mbiagde ntsho,

njù tswe ntùm fide.

Mven fide Kristô, nshum i,

bétni, ngù bwôntù.

Ngelañ zʼa nsi biag mfànnu,

Bʼaʼ ghù fide ntùn.

2. Be yà tèn zwentù nte njam,

mbèn ntsin nesaʼ ntsha.

Be yà kañ ba ñwi boa nkô,

bo tùʼ tshu fide.

Bag bin kô neghù fide,

mbʼa bwô be lagde.

Nziʼde mbèn ntswe ntùm fide,

Mba njùmbwe Yésu.

3. Fide zʼa fe Nsi tshwèt nsoñ

mbotni mi num ben.

Be tshwèt nze ntshùʼ tse njoñ léʼ,

njuʼ ntshu bo fiag wut.

Ntswide mbe be ghù nenùn,

mbèn mbe ghafide

Kà nkum léʼnjù Nufen yab

Fide njoñ dùʼ fa.